Categories

د کرکټ بورډ مخته په چاونه کې لږترلږه ۳ تنه شهیدان شول

تاند- په کابل کې نن (چهارشنبه) کرکټ بورډ ته نژدې په انتحاري حمله کې لږترلږه ۳ تنه وژل شوي دي.

د راپورونو له مخې، په وژل شویو کې یو تن پولیس او دوه ملکیان دي. په دې حمله کې ۵ تنه نور ژوبل شوي دي.

داسې ښکاري چې ځانمرګي غوښتل لوبغالي ته ننوځي خو پولیس یې مخه نیولې ده.

د افغانستان کرکټ بورډ او د کابل امینه قوماندانۍ د افغانستان کرکټ د نړیوال لوبغالي د دروازې مخې ته چاودنه تائیدوي خو د مرګ ژوبلې په اړه يې څه نه وايي.

کرکټ بورډ وايي چې د انتحاري حمله کوونکي د حملې د هدف په اړه لا څه نه شي ویلی.

دا چاودنه داسې مهال شوې چې په کابل نړیوال لوبغالي کې د مس عینک اتلانو او بست ساتونکو لوبډلو ترمنځ سیالي روانه وه.

بُست ساتونکو د ۶ لوبغاړو د سوځېدو په بدل کې ۲۰۱ منډې جوړي کړي او اوس د عینګ اتلان بیټنګ کوي.

تر دې وړاندې په لومړۍ مسابقه کې کابل بازانو په ۶ ویکټونو امو نهنګانو ته ماتې ورکړه.

Leave a Reply

Your email address will not be published. Required fields are marked *