Categories

اعلان

Loading…

د پاکستان او چین د بهرنیو چارو وزیرانو د امریکا پر نوې ستراتیژۍ خبرې وکړې

تاند- د چین او پاکستان د بهرنیو چارو وزیرانو نن د افغانستان او د سیمې لپاره د امریکا د نوې ستراتیژۍ په اړه خبرې وکړې.

د پاکستان د بهرنیو چارو وزیر خواجه محمد اصف، چې پیکینګ ته تللی، نن /جمعه/ له خپل چینايي ساري (وانګ يي) سره وکتل.

د پاکستان په خاوره کې د تروریستي پناهځایونو په اړه د امریکا د ولسمشر له څرګندونو وروسته روانه اوونۍ بریکس ټولنې، چې چین یې غړی دی، پاکستان مېشتې تروریستي ډلې د سیمې او نړۍ امنیت ته ګواښونکې وبللې.

د دې ټولنې اعلامیې په پاکستان کې زیات بحثونه وپارول او ډېرو وویل چې حتي د پاکستان تر ټولو نژدې او ستراتیژیک دوست چین هم د پاکستان له لوري د تروریزم د خطر په وړاندې د اندېښنو په شریکولو کې ځان شریک بولي.

د پاکستان د بهرنیو چارو وزیر خپل چینايی ساري ته وویل چې د افغانستان په تړاو به داسې پالیسي تعقیب کړي چې سیمې ته سوله راوړي.

ټاکل شوې ده چې د پاکستان د بهرنیو چارو وزیر د سیمې لپاره د امریکا پر نوې ستراتیژۍ د خبرو لپاره ایران ته هم لاړ شي.

9 total views, 1 views today

Leave a Reply

Your email address will not be published. Required fields are marked *