Categories

اعلان

Loading…

سرخط؛ پاکستان دا ځل د خپلې بقا جګړې ته روان دی

درې ورځې وروسته به د پاکستان د بهرنيو چارو وزير خواجه اصف، بېجينګ ته د سفر موزې په پښو کړي. له هغه ځايه به د پوتين ديدن ته ماسکو ته ولاړ شي، بيا به په انقره کې د اردوغان دروازه وټکوي او له هغه وروسته به په واشنګټن کې د ډونلډ ټرمپ لمن نيسي.

دا د پاکستان د بقا د جګړې لومړی پړاو دی، پاکستان د سيمې بدماشان راننګوي، خو په ضمن کې له زورور څخه يو بل چانس هم غواړي چې پر دغه هېواد زړه وسوځي.

موږ نه وايوو چې د پاکستان د بقا جګړه، يانې که دغه جګړه پاکستانيان وبايلي، هېواد به يې دړې وړې شي، پاکستان به پاکستان وي، خو نېښ به نه لري. پاکستان به وي، خو دومره څه به په لاس کې نه لري چې ترهګر پرې ژوندي وساتي، پاکستان به وي، خو له تندې به مري، پاکستان به وي، خو د بېګا په ډوډۍ پسې به حيران وي، پاکستان به وي، خو د بمونو او باروتو پر ځای به ورڅخه تسپې او مسواکونه صادرېږي، پاکستان به وي، خو د کابل او کشمير د نيولو د خوبونو پر ځای به، بلوڅو او سينديانو ورباندې په کور دننه د ارام خوب حرام کړی وي.

پاکستانيان به توبې باسي، په تېرو ګناهونو او جرمونو به پښېمانه وي، زارۍ به کوي چې څوک دې شر نه وررسوي، د خير تمه به دوی نه کوي، د خدای يو ملنګ هېواد به وي، نيم ولس به يې په رايونډ کې راغونډ وي، نيم به يې د شهباز قلندر پر دربار ترانې وايي، نيم به يې د پيرانو او حضرتانو عرسونه نمانځي او دا به هغه حالت وي چې پاکستان به وي، خو پاکستان به نه وي.

پاکستان که احياناً د خپلې بقا دغه جګړه و هم ګټي، پاکستان به بيا هم تاواني وي. هغه مهال به همداسې پاکستان وي، بدماشي، بې‌لارې او ګناهونه به کوي، پاکستان به لړم وي، خو په هوده کې به وي.

پاکستان که دغه وروستۍ جګړه په هر څومره درانه قيمت و هم ګټي، بريالی ورڅخه نه‌شي وتلای، پاکستان به هغه مهال دويمه شمالي کوريا وي، څو بمونه او راکټونه به يې په ځان پورې تړلي وي او د بارډرونو په نوم به د څو فرضي کرښو په دايرو کې ايسار وي.

پاکستانيان تر ډېره پورې د جګړې په رخ بدلولو، ځان بې‌ګناه ښوولو او دسيسه جوړولو کې بلا کوي، خو دا ځل دغه هوښياره مرغۍ په غبرګو پښو نښتې ښکاري.

دوی اوس هڅه کوي لومړی په سيمه کې نړۍ ته خپل ګاونډيان پر دوی ملامت وښيي. هغه واورې چې اوس يې برف کوچ پر دوی ور روان دی، د ګاونډيو پر بامونو وغورځوي، پر ځان ځينې بريدونه وکړي، ځان مظلوم وښيي او په ضمن کې له خپل قوي مقابل اړخ سره يو ډول نه يو ډول ځان همغږی وښيي.

د همدې هڅو په لړ کې پرون د پاکستان د دفاع وزير خرم دستګير د دغه هېواد ملي شورا ته په خپلو څرګندونو کې ويلي دي چې د ترهګرو پټنځايونه له يوې مخې ټول په افغانستان کې دي او پاکستان د ترهګرو د قرارګاه په نامه څه نه لري.

ښاغلي دستګير وړاندې ويلي چې د افغانستان د “څلور سوه او اوو” ولسواليو له ډلې، دا مهال يوازې “شپېته” ولسوالۍ د حکومت په واک کې دي او پاتې نورې ټولې له طالبانو سره دي.

د ده په خبره، د ترهګرو ټول مرکزونه په همدې ولسواليو کې دي.

طالبان هم بلاوې خلک دي، پر پاکستانيانو يې غلط راپور تېر کړی، ښايي له جي‌ايچ‌کيو څخه طالبان د درې سوه او اووه څلوېښتو ولسواليو بوديجه اخلي، ځکه خو ښاغلی دستګير داسې ډاډه لګيا دی، کنه رسمي خو د افغانستان ټولې ولسوالۍ درې سوه او څلور شپېته دي چې که ډېر هم د طالبانو طرف ونيول شي؛ نو څلور شپېته ولسوالۍ دې د دوی وبلل شي.

خرم دستګير وړاندې وايي، د داعش په اړه د امريکا او پاکستان نظر يو دی او دواړه غواړي داعش ختم شي.

دا هماغه ټکی دی چې پاکستان کوښښ کوي له زورور مقابل اړخ سره خپل مشترکات زيات کړي.

خو طالبان به چېرته ځي؟ د کوټې، پېښور او کراچۍ شوراګانې به څنګه کېږي؟ هغه په لاهور کې د هبة الله د هني‌مون ټيکټونه او د سفر بيلونه خو به هم ځواب غواړي؟

يوازې په کوټه کې د نوي کلي، کچلاغ، عالمو، پښتون‌اباد، خروټ‌اباد او زرغون روډ سرايونه به څوک پټوي؟ په شهباز ټاون، بانو روډ او… به طالبانو ته راروانې د پيسو حوالې په څنګه پردو پټېږي؟

د داعش په اړه د خرم دغه خبره هغه احتمال هم لا قوي کوي چې پاکستان د روس او ايران لکۍ نيولې.

روسيه او ايران دواړه په سيمه کې د داعش له مخ پر زياتېدونکي نفوذه وېره لري او د پاکستان چې د امريکا له رحم و کرمه تمه وخته، د روس او ايران پر خوا يې مخه ونيوه.

اوس به پاکستان د داعش پر ضد سپکې سپورې وايي، کسان به يې نيسي، روس او ايران ته به يې سپاري، خو په ضمن کې غواړي دوی ته د روس او ايران دغه ورسپارل شوی ماموريت پر امريکا هم خرڅ کړي، له هغوی هم مرسته واخلي او يو ځل بيا تر بوسو لاندې اوبه تېرې کړي.

خو دا ځل پاکستان ته دوسه “دو سره” جوړه ده او په دواړو خواوو کې يې ماتې په برخه ده.

نه ورباندې روسيه، ايران او چين د يوه ښه ملګري په توګه باور کولای شي، نه بېرته د امريکا زړه لاس ته راوړلای شي.

هلته د روس، ايران او چين تش په لاس ورغلی لستوڼی، هلته ورڅخه د امريکا اخيستی لاس، په کور دننه د بلوڅو او سينديانو د خپلواکۍ ورځ تر بلې تودېدونکي خوځښتونه، پورې غاړه د هند قوي کېدل او امريکا ته نږدې کېدل او په بغل کې د افغانستان غوندې ګاونډی هېواد چې هم يې مخ اړولی، هم پر اوبو لاس وهي چې ورباندې وچې يې کړي او هم يې انتقام ته د لسيزو قهر او غوسه په زړه کې اېشي.

سرخط ورځپاڼه

237 total views, 1 views today

1 comment

  1. Suliman Zahid Reply

    هر څوک به یو څه وکړی ، خو د افغانستان او د کوزی پښتونخوا د زمامدارانو څخه مو هیله نه کیږی ، په پاکستان له جوړیدو را روسته په څو ځلی داسی بدی ورځی راغلی وی خو نه پښتنو د ازادی غږ اوچت ک او له وضعیته یی ګټه پورته نکړه او نه د افغانستان زمامدادرانو د خپلی خاوری اقلا دعو هم ونکړه ، بلوڅ او سندیان به کیدای شی ازادی شی خو پښتانه به د راڼیو په خوب د د پنجاب په دربارونو ویده باتی شی .

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2