Categories

اعلان

Loading…

واشنګټن پوسټ: امریکا افغانستان ته بي ۵۲ الوتکې هم لېږي

تاند- واشنګټن پوسټ ورځپاڼه وايي، ښايي امریکا څو زره سمندري او هوايي ځواکونه له څو بي ۵۲ الوتکو سره افغانستان ته ولېږي.

دا ځواکونه او الوتکې افغانستان ته د امریکا د نوې ستراتیژۍ پر اساس لېږل کېږي.

ځینو امریکايي چارواکو ویلي چې ټاکل شوې ده افغانستان ته ایف ۶، ایف ۱۶، اې تندربولټ او بي ۵۲ ستراتیژیکې الوتکې واستول شي.

د دوی په وینا د امریکا د سمندري او توپچي ځواک سل کسیزې ډلې به د افغانستان په بېلابېلو سیمو کې ځای پر ځای شي.

واشنګټن پوسټ همداراز لیکلي، د امریکا د هوايي ځواک د ۸۲ قول اردو د لومړۍ لوا یو شمېر پوځیان به په افغانستان کې ځای پرځای شي او تمه کېږي چې د دې لوا ۱۵۰۰ تازه دمه پوځیان هم افغانستان ته واستول شي.

60 total views, 1 views today

Leave a Reply

Your email address will not be published. Required fields are marked *