Categories

اعلان

Loading…

د افغان هندوانو او سکانو يو شمېر استازو د حزب اسلامي له امير سره وکتل

يک شنبه، د سنبلې ۴مه
 
د حزب اسلامي افغانستان امير انجنير ګلبدين حکمتيار د یک شنبه په ورځ د افغان هندوانو او سکانو له يو شمېر استازو سره په خبرو کې، له ګاونډيو هېوادونو وغوښتل چې د جګړې په مهارولو کې له افغانانو سره مرسته وکړي، تر څو دلته امن راشي.
ښاغلي حکمتيار وويل، زموږ غوښتنه داده چې په افغانستان او سيمه کې امن راشي او ګاونډي هېوادونه بايد د امن په راوستلو کې له افغانانو سره مرسته وکړي.
د حزب اسلامي امير زياته کړه يو وخت يواځې افغانستان د جنګ په لمبو کې سوځيده، خو اوس د نړۍ ګڼو هېوادونو ته د جنګ اور غځيدلی دی او که دلته امن را نشي، ښايي يو وخت ټوله سيمه د جنګ په لمبو کې وسوځي.
د حزب اسلامي امير وويل، موږ په دې سيمه کې امن او له ټولو وګړو سره دوستانه تعلقات غواړو او ما د هندوستان او پاکستان سفيرانو ته هم ويلي، چې تاسو خپل رقابتونه دلته مه راليږدوئ.
ملي قائد څرګنده کړه، موږ د پاکستان او هندوستان تر منځ روغه جوړه غواړو او دواړو هېوادونه بايد د يو بل د کمزوري کولو هڅه و نکړي، بلکې دوی دې خپلې ستونزې د خبرو او تفاهم له لارې حل کړي. 
ورور حکمتيار وويل، موږ له چا سره د رقابت فکر نه لرو او د هېڅ چا په خلاف د بل تر څنګ نه دريږو او زه فکر کوم چې دا زموږ د خلکو او هېواد په ګټه ده.
د افغان هندوانو او سکانو په هکله د حزب اسلامي امير وويل، ددې هېواد هر وګړی هغه که مسلمان يا غير مسلمان وي، افغان دی او برابر حقوق لري، هر يو بايد دلته خوندي وي او د ويرې احساس و نه کړي.
د حزب اسلامي امير زياته کړه، هندوان او سکان ډیره موده کيږي چې دلته ميشت دي، دوی پردي نه ګڼل کيږي او حتی معبدونه يې خوندي دي.
ښاغلي حکمتيار دا هم وويل، چې موږ له هېڅ چا سره د جنګ اراده نه لرو او پخوا مو هم د جنګ اراده نه درلوده، بلکې په خپل هېواد کې امن غواړو.
جنګ ټواو ته ستونزې زيږولي او هيله مو داده چې پخوانۍ خونړۍ او ناکامې تجربې يو ځل تکرار نه شي.
په دې کتنه کې «کرپال سنګهـ ملاتړ» د نورو په استازيتوب خبرې وکړې او د حزب اسلامي له امير څخه يې خپل ټينګ ملاتړ څرګند کړ.
نوموړي وويل، افغان سکانو او هندوانو لکه د نورو عامو افغانانو په څېر د تېرو څو لسیزو په موده کې ستونزې او کړاوونه ګاللي دي او بايد چې پخوانۍ ناکامې تجربې بيا تکرار نه شي.
 د هغه په وينا په هېواد کې د جګړو او له سکانو سره د زور زياتي له کبله د دوی يو زيات شمېر کورنۍ بېرته هندوستان ته کډه شوي دي او که جنګ پای ته ورسيږي او سوله راشي، نو بېرته به افغانستان ته راستانه شي.
کرپال سنګهـ ملاتړ وويل، موږ هيله مند يو چې ستاسو راتګ، د روان دردناک حالت په پای ته رسېدلو کې مرسته وکړي.
 
د حزب اسلامي افغانستان د فرهنګي چارو رياست
مطبوعاتي څانګه

330 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2