Categories

اعلان

Loading…

د پلاستیکي کڅوړو لپاره ۴ کاله بند او ۴۰ زره ډالره جریمه

تاند- کینیا د پلاستیکي کڅوړو په کارولو او جوړولو بندیز ولګاوه.

د دغه افریقايي هیواد حکومت د بندیز په اړه د محکمې له پرېکړې وروسته ویلي چې که چا د پلاستیکو کڅوړو د استعمال او تولید بندیز رعایت نه کړ، تر ۴ کاله بندي کېدای شي.

د واشنګټن پوسټ ورځپاڼې د راپور له مخې، دې هیواد همداراز اعلان کړی چې سرغړونکو ته لویه جریمه هم په پام کې نیول کېږي.

د کینیا د پلاستیک جوړولو صنعتګرو له سترې محکمې غوښتي ول چې د پلاستیکي کڅوړو پر جوړولو بندیز لېري کړي ځکه چې دا بندیز به سبب شي چې ډېر خلک وزګاره شي. خو سترې محکمې د دوشنبې په ورځ /اګست ۲۸/ دا غوښتنه رد کړه.

دا په تېرو لسو کلونو کې د پلاستیک کڅوړو د بندولو په اړه په کینیا کې درېمه هڅه ده. تېرې دوې نه وې بریالۍ شوي.

ویل شوي چې د پلاستیکي کڅوړو لپاره تر ۴۰ زره ډالره پورې جریمه په پام کې نیول شوې ده؛ البته دا به تر ټولو لوړه جریمه وي.

تر کینیا وړاندې څو نورو افریقايي هیوادونو لکه کامرون، مالي، ګینې بیساو، تانزانیا، یوګنډا، ایتوپیا، موریتانیا او مولاوي د پلاستیکي کڅوړو پر تولید او استعمال بندیز لګولی و.

په ټوله نړۍ کې په شاوخوا ۴۰ هیوادونو کې ورته بندیزونه اعلان شوي خو په هیڅ بل هیواد کې د کینیا په شان درنه سزا او جریمه په پام کې نه ده نیول شوې.

د امریکا د کلیفورنیا په پوهنتون کې شوې څېړنه ښيي چې انسانانو له نولس سوه پنځوسمه لسیره تراوسه ۹ اعشاریه ۱ ملیارد ټنه پلاستیک کارولی او ایسته غورځولی دی.

څېړونکو ویلي چې له دې ټول غورځول شوي پلاستیک څخه یوازې په سلو کې له ۹ څخه بېرته کار اخیستل شوی او په سلو کې ۱۲ نور سوځول شوی دی. خو لا هم ۵ ملیارده او ۶ سوه ملیونه نور په خځولځایونو (د خځلو لوی امبارونه)، سیندونو او د ښارونو په لمنو کې پراته دي.

د پلاستیک سوځول چاپېریال ته خورا زیات تاوان لري.

پلاستیک لږترلږه ۱۰۰ کاله په طبیعت کې پاتې کېږي او په خاوره نه بدلېږي.

398 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2