Categories

اعلان

Loading…

زه نازی نه یم، زه فاشیست نه یم! ـ مجید قرار

جمهور رئیس غني د افغانستان ولسمشر او د افغانستان د ټولو خلکو رهبر دی. هغه یواځې د پښتنو رهبر نه دی، نه خپله دغه ادعاء کوي، خو ستونزه دا ده چې د هغه مخالفین په سیسټماټیک شکل په ټوله نړۍ کې د هغه د تخریب لپاره پښتانه بدناموي. هره ورځ په نړیوالو رسنیو، په نړیوالو رسنیو کې او په مهمو علمي او تحقیقاتي بحثونو کې د جمهور رئیس مخالف ټیم د جمهور رئیس د مخالفت لپاره پښتانه نازیان، فاشیستان، غاصب، او افراطیان معرفي کوي. سره له دې چې پښتون په اوسنۍ سیسټم کې څوک د خیرک ادې هم نه ګڼي، نه رحیمي، نه نادري، نه خپلواک، نه اتمر د پښتنو استاځی دی، خو د دوی د مخالفت په بهانه پښتانه په نړیواله کچه فاشیستان او غاصبان معرفي کېږي. دې کار د پښتنو پر نړیوال شهرت نهایي بده اغېزه کړې ده او که دوام وکړي په لاندې فرصتونو به نهایي بده اغېزه وکړي:

۱) د سکالرشیپونو په تقسیم
۲) د ویزو د ورکړې پر پروسه
۳) د بشري مرستو پر موضوع
۴) د سیاسي اعتبار پر مسأله
۵) د مهاجرت پر کېسونو او قضیو او د پنا غوښتنې پر مسأله
۶) د نړیوالو پر حکومتي تګلارو
۷) په نړیوالو بازارونو کې د مزدور او کاریګر د استخدام او جذب په برخه کې.

ستونزه دا ده چې پښتانه یې په نا کړي ګناه نیولي دي. فوزیه کوفي په لندن کې، صلاح الدین رباني په واشنګټن کې، او د بهرنیو چارو وزارت ډپلوماټان د نړۍ په ګوټ ګوټ کې، پر ټویټر، پر فیس بوک او په تهینک ټانکونو کې سهار او ماښام همدا اوښکې تویوي چې په افغانستان کې پښتون محوره حکومت حاکم دی او نور قومونه وژني. له ایرانه اروپا ته تښتېدونکي هلکان د خپل مهاجرت د کېسونو لپاره په مرکو کې درګرده همدا وایي چې په افغانستان کې پښتانه زموږ قتل عامونه کوي او وژني مو.

دا چې حکومت په دې اړه ساکت دی، او پښتانه هم بې زبانه مرغان دي، دا هیچا ته نه ده معلومه چې هره ورځ اوسطا دری سوه پښتانه وژل کېږي، د ترهګرو تر ټولو ډېر جنایت د پښتانه پر ضد دی، تر ټولو ډېر ښوونځي د پښتانه بند دي، تر ټولو ډېرې بندیخانې پر دوی ډکې دي، تر ټولو ډېر کورني کډوال چې له خپلو ځمکو ایستل شوي، پښتانه دي. تر ټولو ډېرې یوځایي وژنې په پښتنو کې شوي.
له بلې خوا، د حکومت په کابینه کې په دوه دېرشو لوړو پوسټونو کې څلرویشت غیر پښتانه دي، څوارلس یې د کورنیو چارو د وزیر، د بهرنیو چارو د وزیر، د معارف د وزیر، او د لوی درستیز په شمول چې ۸۰٪ دفاع وزارت تشکیلوي، نا پښتانه دي. پښتانه یې په اتو وزارتونو خوشاله کړي چې په هغو کې د اطلاعاتو او فرهنګ، او سرحداتو وزارتونه او سرپرستان هم شامل دي. نور نو د یوې ولسوالۍ نهه سوه تنه جنرالان چې ټول په کابل کې اوسېږی، په ټول پښتانه قوم کې نشته.

ارګ چې پر پښتانه تپ او بدنام دی، لس فیصده هم پښتون نه دی. د ولسمشر له ارشدو سلاکارانو نیولې، د دفتر تر رئیس، او د چارو د ادارې تر معاونیتونو او ریاستونو پورې، پښتون لس سلنه هم نه تشکیلوي. په ارګ د سیما غني، نرګس نهان او نادري هغه ټیم سیوری غوړولی چې په انجیوګانو کې به یې پښتنو ژبه کارول منع و. د پښتنو دهغه څو تنه تش په نامه پښتانه هم د خپل قدرت د دوام لپاره درګرده په ناپښتنو کې د نفوذ لپاره د ناپښتنو په ناقانوني ګومارنه بوخت دي.
د اداري اصلاحاتو د کمیسیون لخوا له ازموینې څخه د پښتنو ژبې د حذف کیسه خو ټولو ته له ورایه معلومه ده.

هیڅوک نشته چې د وزارتونو، معینیتونو، ریاستونو، سفارتونو، ولایتونو او بهرنیو استاځیو معلومات شریک کړي. هیڅوک د کرزي صاحب د وخت د اداري اصلاحاتو د کمیسیون هغه معلومات نه شریکوي چې په تر اوس بهتر حالت کې یې د دري ژبو او پښتو ژبو پښتنو ټول سهم دوه ویشت سلنه را برسېره کړی و. البته اوس حالت تر هغه وخت ډېر خراب دی.

پښتانه د بابا او انا په ستاینو کې دومره غرق دي چې خپله بده ورځ یې هېره ده. ایله د پاتې پښتنو د زرکلنۍ او پنځه زره کلنۍ دوعاګانې کوي.

کاشکې ستونزه یواځې په سیسټم کې دننه وای، یا حتی په افغانستان کې دننه وای. غم دا دی چې د سپینې ماڼۍ کسانو ته هم کښېنې د پښتنو لخوا په افغانستان کې د سیاست او قدرت د غصب شکایتونه کوي، د اروپایي اتحادیې سفیر خو سمه جبهه پرانیسې او د فډرالي نظام ډنډورې غږوي. چې جاپاني ته هم کښېنې، همدا تشویشونه څرګندوي. لنډه دا چې غوږونه هم د پښتانه غوڅېږي او افراطي هم پښتون دی. له اویا سلنه نفوس څخه لس سلنې نمایندګۍ ته هم پښتون را ټیټ شوی او غاصب، نازی، فاشیسټ او قبیله سالار هم پښتون معرفي کېږي چې د همدې بد تبلیغ له برکته نړیوالو پر پښتانه خوار د باندې دروازې، او کورنیو غاصبانو د کورنیو دربارونو دروازې تړلي او پښتون د مشرانو د زرکلنۍ او پنځه زره کلنۍ په دوعاګانو ستړی دی.

د اوس لپاره دا نهایي زیاته اړینه ده چې پښتانه د ځان سپیناوی وکړي. د ځان سپیناوی تعصب نه دی. فقط همدومره دې ووایي چې زه غاصب نه یم. ما قدرت نه دی منحصر کړی. زه په حکومت کې د خپل نفوس په تناسب څه چې د درېیم اقلیتي ګروپ په تناسب هم نه یم. ارګ پر ما هسې تاوان دی. مالیه وزارت، امنیت شورا پر ما هسې تاوان دي. حتی د مومند شکېدلی غوږ هم په ما هسې تاوانېږي. هغه زما لپاره نه دی غوڅ شوی. زه شربت ګله یم چې په نامه مې ملیاردونه ډالر را ټول شول او زه له فقره په کم خونۍ مبتلاء یم. زه د اندړو پاڅونوال یم چې تر شنه اسمان لاندې شپه تېروم. زه لوی کندهار یم چې کوچنی کړای شوی او له نظامه لرې غورځول شوی یم. زه کوچنی غزنی یم چې په ټولو دیارلسو ولسوالیو په شورا کې یو وکیل نه لرم. زه په دې حکومت کې خو څه چې نور په دې وطن کې هم نه معلومېږم.

2,215 total views, 3 views today

11 comments

  1. نور Reply

    پښتانه باید د نفوس په تناسب د چوکیو غوښتنه وکړي او په نره ودریږي خپل حق وغواړي. دا د زرکلنۍ غږ هم غریبان د مجبورۍ اوچتوي چې ګوکې څوک به مو حق راته واخلي.

  2. mohammad ehsan Reply

    قرار صیب !تر لیکنه دې قربان .رښتیا چې پښتانه دفیل په غوږ کې بیده دي او کوم محدود شمېر چې لږ په لوړو څوکیو کار کوی د خپلې څوکۍ د لاسه ورکولو له له ډاره پټه خوله دي ځو نه باید تر هر څه باید پښتو ته لومړیتوب ورکړو .

  3. Rizah Gul Maroof Reply

    مننه قرار صاحب ، ستاسى له برکته مو اکثره اړىنو خبرو ته پام سى، ژوندى اووسى

  4. علاوالدین جوهر Reply

    په ګوتو مو برکت سه خوندوره تبصره مو باندی کړی ده

  5. حامد ننګرهاری Reply

    د رحیمی مکمل نوم څه شی دی؟

  6. Dr.Atal Reply

    قرار صاحب !
    السلام علیکم و رحمة الله
    د دوی د خپلو معتبرو مراجعو په استناد د جمعیت مشران مخکی لدی چی جمعیتی شی ، دوی د طاهر بدخشی سره یو ځای فعالیت کاوه بیا وروسته د اسلامی تحریک ته راغلی، چی بیا د نفاق باب د تنظیمونو د لاری وارد او هر تنظیم د خپل د واک او امکاناتو د تر لاسه کولو لپاره هر څه چی کړی هغه ددوی لزوم دید دی ، شوری او اجرائیه اکثرا شکلی رول درلودو.
    بیا وروسته دا نفاق نور هم ژور شو او خبره یی تر جګړو هم ورسیده او د جهاد امکانات او وسایل په داخلی جګړو ولګیدل او همدلته وو چی زوال یی تر سترګو کیده او اصلی مسیر پاتی شو او لیډران هر یو(اکثریت یی) د خپلی ډلی د ګټو لپاره هری معاملی ته تیار وو .
    په همدی سلسله کی بالاخره د جاهلی تعصباتو پر بنا د انحصار لپاره د بن تړون رامنځته شو چی په راس کی یی داسی یو پښتون لکه خادم المفسدین راوستل شو چی تر دی پردی لاندی دوی وکولی شول هره ناروا پر ملت تحمیل کړی ، د ولسمل صاحب په قول دومره خاین پښتون د پښتنو لپاره د پښتنو په تاریخ کی تیر شوی ندی لکه خادم المفسدین ، ځکه هغه لیوان چی ده چاغ کړی اوس د ملت د داړلو ډیر تږی او تنده یی هم نه ماتیږی ، په کامل انحصار سره، دنورو جنرالان حذف کول ، خپل هلکانو او کلینرانو نه وزیر او جنرال تحمیلول، د پروژو لږ تر لږه ۶۰٪ خوړل او نور کثیر الابعاد فساد چی د دوی پدری تخصص دی او اوس همدا هر څه ځپل حق بولی او که یی څوک انسانی عدالت او انسانی مقام ارزښتونو خبره ورته کوی وایی دا مو پدری میراث دی چی باید دا چانس حفظ شی او که ولویدل بیا به د تیرو ۲۵ کلنو خصوصا تیر ۱۶ کاله حساب ورکول دوی ته لویه رسوایی او مرګ دی نو ځکه والی یی هم د سپی پیښی کوی دا ارذلیت ثابتوی او د اوسنی مصیبتونو اساسی عامل همدوی دی چی د کرسی د حفظ لپاره هر دنائت ته تیار او ورباندی افتخار کوی خو یواځنی حل پوخ قیادت او صف مرصوص د ټولو مشکلاتو یواځنی حل دی .

  7. ا.تندر Reply

    حامد ننګرهاری صاحب!
    د رحیمی اصلی نوم مجیب الرحمان او دکتورای لندن نه راوړی، ده مخکی د سیرة صحابه یو ضخیم کتاب په دری ژباړلی چی د قدر وړ کار یی همدا دی ، مګر اوس مع الاسف جاهلی تعصباتو کی ملوث او استعداد یی په غیر مفید او منفی مسایلو کی کارول کیږی.

  8. اسدالله Reply

    کاشکی دالیکنه په انګلیسی ژبه وای

  9. يارمحمد يار Reply

    ژوند ژوند قرار صاحب، الله دې جنتي کړه په زړه پورې، ريښتينى او ارزښتناکه ليکنه ده،

  10. Nadia dost Reply

    قرار صاحب د برکت سې رښتیا ھم دا ښہ خبرہ دہ کہ دا ډول لیکنی مو پہ انگریزی ولیکۍ چی ټولہ دنیا د حقیقت څخہ خبرہ سی ډیر بہ ښہ وی مننہ

  11. حسن Reply

    د ښاغلي قرار صیب تر ګوتو جارشم.
    د خادم المفسیدین بړیڅي لکه عبدالرحیم ایوبي تور همایون ، ظاهر غدیر ، لالۍ … چې د پښتنو په رایه پارلمان ته راغلي اوس د پښتنو پرضد د ستمیانو ترڅنګ ولاړ دي. او د دوستم ترڅنک په ترکیي او مزارشریف کې د همدې نظام د سقوط او د موقتي حکومت د اعلانولو لپاره عکسونه ورسره اخلي . دوي لا دا 25 سلنه حق پښتنو ته فاشیزم وایی که څه هم دوی له 32 عالی رتبه مقامونه 24 یا په سلو کې 75 په خپل لاس کې لري.
    آیا پښتانه رښتیا هم د ټول نفوس 25 سلنه جوړوي؟
    که فرضا دا 25 سلنه هم وي په ډېرو وزارتونو کې د پښتنو فیصدي او سهم ندی ورکړل شوي. مثلا د باندینیو چارو وزارت او ټولو سفارتونو کې یواځې دوه یا درې سلنه پښتانه دي او پاته نژدې ټول د تاجیکو او هزارو ورونو سهم دی.
    که دوي شپه او ورځ په شا هم وګرځوئ بیا چې له اوږو مو کښته شو وایی چې فاشیسته خوږ د کړم. زما په نظر راځئ محافظه کاري خوشې کړو. خپلو کې سره یو شو. پارلمان ته د ایوبي په شان ابن الوقت کسان معرفي نه کړو . هغوي چې د پردیو په خدمت کې دي له خپلو صفونو لرې او بې اعتباره کړو. که مونږ همدا 25 سلنه واک سم استعمال کړو ، هم به سوله راشي ، هم به له خپل قوم او ملګرو نه مناسبه دفاع وکړای شو. مونږ فاشیستان نه یو خو له خپل قوم نه دفاع زمونږ طبیعي حق دی.
    تاسو ولیدل چې ازبکانو د خپل همتباره یو غل ، قاتل ، جاهل او مفسد انسان د نېولو په مقابل کې تر واک لاندې سیمو کې څومره تخریب وکړ او له دې موضوع یې څومره ګټه پورته کړه؟

Leave a Reply to يارمحمد يار Cancel reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2