Categories

اعلان

Loading…

د مدنيت او خپلواکۍ ناجي غازي امان الله خان | پوهنيار عبدالمجيد پردېس

غازي امان الله خان د نوي او غوړېدلي افغانستان د زيري سره راپاڅېد.
په وروسته پاتې تورتم ځپلې ټولنه کې يې د مدني او معنوي پرمختياو مشال بل کړ. د ولس پر پرګنو سربېره يې بهرني غورځنګونه او ټولنې هم پرخپل سياسي فراست قانع کړې. د کورني سمون ترڅنګ يې د پرمختللو ټولنو او هېوادونو سره د افغانستان  د پرمختګ او عصري کولو لپاره سفرونه وکړل ترڅو خپله ښکېلاکځپلې، او ناپوهۍ ځپلې ټولنه د ودې او ښېرازۍ خواته بوځي.

غازي امان الله خان د ملت پالنې او اسلام پالنې سرلاری و او د مسلمانانو د يووالي لپاره یې له هېڅ راز هڅو  سرغړاوی نه دی کړی. زمونږ دغه اتل يو رښتينی اتل و، چې (( د اسيا په زړه کې یې د یو وړوکي؛ خو غيرتي او عزتمند اولس مشري کړې)) او هغوی يې د خپل ځيرک فکر پر مټ د خپلواکۍ  له ستر نعمت  نه برخمن کړي دي.

شاه غازي امان الله خان يواځينی ټولواک و، چې د يو مسلمان په توګه يې نه يواځې د خپل ولس، بلکې د ټولې نړۍ ښېرازي او سوکالي غوښته، په نره يې د ښکېلاکځپلو اولسونو ملاتړ او ننګه کوله.

هغوی یې د ختيځ د برم ساتنې په موخه يووالي ته رابلل او د ختيځو ولسونو يووالی يې غوښته.
غازي امان الله خان، افغان ولس داسې مهال د انګرېزانو له منګولو راوويست، چې نږدې ټولنه اسلامي نړۍ د پرنګيانو په ګورت کې وه. که څه هم د خپلواکۍ په جګړې کې د افغان ملت پر هلو ځلو او مجاهدې سترګې نه شي پټېدای؛ خو دا راز جګړو کې د يو داسې سترګور او مدبر واکمن نقش هم نه شي هېرې دای.

مونږ اوس مهال د همداسې يوه سرلاري دنشت زيان ګالو.

اعليحضرت له هرچا سره په ډېره مينه خبرې اترې کولې او دومره وروروليز او په ورين تندي يې چلند کاوه چې هرڅوک پرې مينېدل، نوموړی پرعدل او مساوات بې کچې ميين پاچا و او ځان يې د نورو پاچايانو په څېر اسماني هستي نه ګڼله، بلکې ځان يې د اولس يو خدمتګار ګاڼه.

په پای کې بايد ووايم چې د امان الله خان شخصيت د هغو مشرانو لپاره، چې ځانونه د دې ولس رښتيني استازي ګڼي، يوه ښه بېلګه ده.
پوهنيار عبدالمجيد پردېس
کندز – افغانستان

887 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2