Categories

اعلان

Loading…

په اسلام اباد کې د افغانستان د سفارت لپاره د ودانۍ د بنسټ ډبره کېښودل شوه

تاند- په اسلام اباد کې د افغانستان د سفارت لپاره د نوې ودانۍ د بنسټ ډبره پرون /یکشنبه/ د افغانستان د خپلواکۍ له ۹۸ یمې کالیزې سره په یو وخت کېښودل شوه.

د افغانستان د سفارت لپاره پر نوې ودانۍ، چې ویل کېږي، د نړۍ په هیوادونو کې به د افغانستان تر ټولو ستر سفارت وي، ۱۷ ملیون ډالره لګېږي.

دا ودانۍ به، چې د جوړولو چارې یې یوه چینايي کمپنۍ په غاړه لري، په ۲ کلونو کې بشپړه شي.

د بنسټ اېښودو په مراسمو کې د افغان سفیر ډاکتر عمر زاخېلوال ترڅنګ د افغانستان د بهرنیو چارو وزارت مرستیال نصیراحمد اندېشه، د پاکستان د پارلمان یو شمېر غړي او په اسلام اباد کې د بهرنیو هیوادونو د سفارتونو دیپلوماتان حاضر ول.

د افغانستان د بهرنیو چارو مرستیال وزیر ښاغلي اندېشه وویل«دا به په نړۍ کې د افغانستان تر ټولو لوی سفارت وي او دا مسله د دې ښکارندويي کوي چې افغانستان له پاکستان سره د ښو اړیکو غوښتونکی دی.»

د افغانستان سفیر ډاکتر زاخېلوال هیله څرګنده کړه چې د سفارت ودانۍ به په دوو کلونو کې د افغانستان د خپلواکۍ تر سلمې کالیزې پورې بشپړ شي. ده وویل چې د سفارت لپاره مځکه ۵۰ کاله پخوا د افغانستان حکومت پېرلې وه.

د سفارت د ودانۍ د جوړوونکې چینايي تعمیراتي کمپنۍ انهوۍ (Anhui Construction Engineering Group) یوه مسوول غونډې ته وویل، د افغانستان د سفارت مځکه ۲۳۸۰۰ متر مربع ده چې پکې به د سفارت د ودانۍ ترڅنګ د سفیر هستوګنځی، د دیپلوماتانو کورونه، د کونسلګرۍ برخه او نور ضروري ځایونه جوړ شي.

دې چینايي کمپنۍ په اسلام اباد کې د چین، منګولیا، سیرلایون، توګو او وینزویلا د سفارتونو ودانۍ هم جوړې کړي دي.

د سفارت د ودانۍ لپاره د اسلامي معمارۍ نقشه په پام کې نیول شوې خو مدرن عماصر پکې شامل دي.

نوی سفارت د اسلام اباد په دیپلوماتیکه ساحه کې جوړېږي. د افغانستان اوسنی سفارت په یوه کرايي ودانۍ کې دی.

د سفارت د ودانۍ د بنسټ اېښودو په مراسمو کې پښتنو مشرانو محمود خان اڅکزي، افراسیاب خټک او بشرا (ی) ګوهر هم ګډون درلود.

469 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2