Categories

اعلان

Loading…

د نړۍ تر ټولو ډېر عاید لرونکې سینمايي لوبغاړې

تاند- امریکايي سینمايي ستورې اما سټون په تېرو ۱۲ میاشتو کې ۲۶ ملیون ډالره عاید ترلاسه کړی او په ۲۰۱۷ م کال کې د نړۍ تر ټولو زیات عاید لرونکې ښځینه سینمايي لوبغاړې وګڼل شوه.

۲۸ کلنې سټون په وروستیو کې پر هالیووډ په دې خاطر سخت انتقادونه کړي ول چې د ښځینه او نارینه سینمايي لوبغاړو او کارکوونکو ترمنځ توپیر کوي.

له اغلې سټون وروسته جینیفر انیسټن د عاید له پلوه په نړۍ کې دوهمه ښځینه لوبغاړې ده. انسټین هم امریکايي ده او په یوه کال کې یې ۲۵ ملیونه او ۵ لکه ډالر ترلاسه کړي دي.

انسټین په ۲۰۱۶ کې ۴۶ ملیون ډالر او په ۲۰۱۵ کې ۵۲ ملیون ډالر ګتلي و او دواړه ځلې د کال تر ټولو زیات عاید لرونکې ښځینه لوبغاړې ګڼل شوې وه.

119 total views, 2 views today

Leave a Reply

Your email address will not be published. Required fields are marked *