Categories

دوستم د اصف مومند د نیولو قضیه د عطا محمد نور خلاف دسیسه وبلله

تاند- جنرال عبدالرشید دوستم د مزارشریف په هوايي ډګر کې د عطا محمد نور د کسانو له لوري د ولایتي شورا د غړي اصف مومند د نیونې قضیه او د نوموړي له ساتونکو سره شخړه د بلخ د والي پر ضد دسیسه وبلله.

دوستم ویلي چې د دوی ايتلاف به په دې قضیه کې د عطا محمد نور ملاتړ وکړي.

د ولسمشر د لومړي مرستیال د دفتر په نامه په خبرپاڼه کې، چې نن /چهارشنبه/ خپره شوه، ویل شوي چې جنرال دوستم دا څرګندونې د جوزجان د خلکو او مشرانو غونډې ته د تېلفون له لارې په وینا کې وکړې.

ده وویل، د نور خلاف دسیسې جوړېږي چې دا د نوي ايتلاف لپاره د منلو نه دي او د ده پلویان به د دې ډول دسیسو په وړاندې ودرېږي.

د بلخ امنیه قوماندان، لویې څارنوالۍ او د کورنیو چارو وزارت د ولایتي شورا د غړي اصف مومند په نیولو کې لاس لرل رد کړي او د عطا نور د ویاند ادعاوې یې رد کړي چې نوموړی د یادو ادارو په امر نیول شوی دی. د کورنیو چارووزارت او لویې څارنوالۍ د دې قضیې د څېړلو لپاره یو پلاوی مزارشریف ته استولی دی.

د دوشنبې په شپه د عطا محمد نور د وسله والو کسانو په حمله کې د اصف مومند دوه ساتونکي ووژل شول او ۲ نور ژوبل شول.

نوموړی وروسته له دې ونیول شو چې په کابل کې یې عطا محمد نور په فساد کې په لاس لرلو، پراخو غلاوو او غضب تورن کړ.

1 comment

  1. حسن Reply

    هغه متل دی چې: د سپیو کور په کور دښمني وي ، خو مسافرو ته یې لاس یو دی.
    ټالیب ، داعش ، بدرام، دوستم، خلیفه اتامامد نور ، محقق ،آی اس آی ، سپاه پاسداران ، کي جي بي او نورې خبیثه ارواوي د افغانستان د خلکو او هېواد پرضد ټول په یوه خوله دي.

Leave a Reply

Your email address will not be published. Required fields are marked *