Categories

اعلان

Loading…

سرخط؛ په غزني کې اوس راډيوګانې هم طالبانو ته باج ورکوي

طالبانو تر دوکاندارانو او ښوونکيو وروسته په غزني کې شته‌ سيمه‌ييزو راډيوګانو ته خبرداری ورکړی چې بايد تر دې وروسته د هرې مياشتې په پای کې طالبانو ته باج ورکړي، که‌نه پر دفترونو به يې بريدونه وکړي.

د کليد، سماع او غزنويانو راډيوګانو مسوولينو طالبانو ته د قلنګ ورکول منلي او اوس له وېرې حتا نه غواړي سيمه‌ييز چارواکي مداخله وکړي او دوی له طالبانو خلاص کړي.

غزنی په تدريجي توګه د حکومت له لاسه وځي او ورځ تر بلې ورباندې طالبان مسلطېږي.

ګڼې ولسوالۍ سقوط دي، ځينې په لوی لاس طالبانو ته پرېښوول شوې دي، په دې وروستيو کې سرتېري له هغو کليو او پوستو هم را په شا شول چې پاڅونوالو دا څو کاله د سر په بيه ساتلي وو، اوس د ښار په منګور سيمه کې د طالبانو بيرغ رپېږي او له ښاره راټول شوی باج په دې همدې سيمه کې طالبانو ته سپارل کېږي.

په ښار کې وېره خپره ده، هره کوڅه لږ تر لږه درې هدفي وژونکي لري چې چا ته يې هم سترګه ورواوړي، په بې‌غږه تمانچه يې د ژوند کيسه ورختمه کړي، د ولايت مقام په خوا کې له وېرې څوک سر نه شي پورته کولای، د طالب هيبت ژبې تړلې او يوازې سترګې پاتې دي چې د لوټمار، وژنو، بې کفايتيو او نادودو ناتمامو کيسو او صحنو ته په حيرت ګوري.

يو کال وړاندې طالبانو په غزني کې د ښار له دوکاندارانو د باج غوښتلو ته لېڅې رابډوهلې، تر اوسه د ښار ټول دوکانداران د مياشتې په اخير کې يوه مالومه اندازه پيسې طالبانو ته ورکوي.

تر هغه وروسته د ښوونکيو له معاشونو د باج ټولول پيل شول چې تر اوسه دوام لري او له وېرې يې ځينې ښوونکي حتا پنځه مياشتې کېږي، خپل معاش نه شي اخيستلای.

سرخط ته وروستي رسېدلي مالومات دا دي چې اوس طالبانو په غزني ښار کې له شته راډيوګانو څخه د مياشتې په اخېر کې د باج غوښتنه کړې او د راډيوګانو چلوونکيو هم غاړه ورته ايښې ده.

کليد، سماع او غزنويان د غزني ښار درې راډيوګانې دي چې تر دې وروسته به د مياشتې په اخير کې له اته زره نيولې، تر پنځه‌لس زره افغانيو پورې باج طالبانو ته ورکوي.

طالب وسله‌والو د دغو راډيوګانو مشرانو ته په ټلېفون ګواښ کړی دی چې که باج ته غاړه نه ږدي، نو پر دفترونو به يې بريدونه وکړي.

تېره اوونۍ په ولايت مقام کې پر دغه موضوع بحث شوی، خو د راډيوګانو مسوولينو ويلي دي چې له وېرې موضوع نه شي شاربلای، ځکه خو طالبانو ته د باج په ورکولو راضي دي.

په دغه غونډه کې د امنيت، لوا، اطلاعاتو کلتور، امنيه‌ قوماندانۍ، خبريالانو او ولايت مقام استازيو هم برخه اخيستې وه.

په مرکزي زون کې د خبريالانو د خونديتوب د کمېټي استازی جميل وقار وايي، طالبانو تېره اوونۍ دغه راډيوګانو ته زنګونه وهلي او د باج غوښتنه يې ځنې کړې ده.

دی وايي، د دريو واړو راډيوګانو مسوولينو ورسره منلې چې د هرې مياشتې په پای کې به طالبانو ته ټاکلې اندازه پيسې، ټاکلي ادرس ته رسوي.

د غزني د اطلاعاتو او کلتور رييس بشير محمدي هم مني چې طالبانو پر رسنيو باج ايښی، خو وايي، د رسنيو مسوولين اوس له ډاره دغه موضوع نه رسنيزه کوي.

دی وايي، د دريو واړو راډيوګانو مسوولين يې کښېنول او ورڅخه ويې غوښتل چې دغه موضوع رسمي کړي او دوی يې په اړه اجرات وکړي، خو وايي، هغوی ډېر ډارن خلک دي.

د غزني ښار له دوکانونو او نورو ادارو څخه د طالبانو له‌‌پاره ټول شوی باج د غزني ښار په منګور سيمه کې طالبانو ته سپارل کېږي.

طالبان د ښار په هره سيمه کې استازی لري، هغه ورته باج ټولوي، بيا هماغه استازی منګور ته ټولې پيسې وروړي.

د ښار په دغه سيمه کې د طالبانو بيرغ رپېږي، محکمې، تشکيلات او هر څه يې په همدې سيمه کې دي.

منګور په غزني ښار کې د غزني له ولايت مقام سره د طالبانو موازې ولايت دی.

سرخط ورځپاڼه

255 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2