Categories

اعلان

Loading…

د اداري فساد ابتدايي محکمې څو تنه محکوم کړل

تاند- د افغانستان عدلي او قضايي مرکز، د اداري فساد د لویو جرمونو د غور ابتدايي محکمې د داوي ګروپ مشر غفار داوي او د نوموړي تجارتي شریک محمد اصغرغیاثي په ۹ کاله او ۹ میاشتې بند او دواړه په ټولټال ۳۸ ملیون ډالره جریمه محکوم کړل.

د افغانستان سترې محکمې د ۲۰۱۴ م کال په دسمبر په اتمه د کابل بانک پوروړی بللی و او نوموړی په دې تورن کړی و چې د بانګ څه باندې ۳۷ ملیون ډالره یې تروړلي دي.

محکمې داوي او غیاثي د سې شنبې په ورځ د غدارۍ، له دولتي کارکوونکو سره په چلول، د اسنادو په جعل او له دندې څخه د ناوړه استفادې په تور محکوم کړي دي.

محکمې همداراز د ترانسپورت وزارت پخوانی مرستیال راز محمد علمي د وظیفوي غفلت په جرم په ۶ میاشتې بند او ۳ زره ډالره جریمه محکوم کړ.

د ترانسپورت وزارت بل پخوانی مرستیال عبدالرزاق زلالی هم له خپلې دندې څخه په ناوړه استفادې په ۵ کاله بند او ۳ زره ډالره جریمه محکوم شو.

د اداري فساد د لویو جرمونو د غور ابتدايي محکمې دوه تنه نور په ۶ میاشتې بند محکوم کړي دي.

84 total views, 1 views today

1 comment

  1. nasrat shah Reply

    دا د دولت یو په زړه پوری اقدام دی او الله پاک دی وکړی چی دا ټول خاینین محاکمه شی
    زنده اباد ستره محکمه

Leave a Reply

Your email address will not be published. Required fields are marked *