Categories

اعلان

Loading…

هغه (۱۵) شیان چې کاش زه په (۲۱) کلنۍ کې پرې پوهیدای

لیکوال: جیم رون

ژباړن: احمد فرهاد توتاخیل||

۱. له تیروتنو سره مینه کول زده کړه.

تل په یاد لره چې له خپلو تیروتنو یې زده کړې او پرمختګ وکړې. په خپل ځان ډیر شک مه کوه. یوه ورځ به دا توانایي پیدا کړې چې د خپل پښیمانتیا شیبو پسې څټ ته وګورې او ور پورې وخاندې. دا د پښیمانتیا شیبې په ژوند کې حتمي دي.

۲. ډیری وخت «هو» وایه:

ځینې وخت د خپل د هوساینې له زون څخه ګام بهر ایښودل او د یو نوي شي را منځته کولو هڅه ګواښوونکې وي، خو ډیر «هو» ویل زده کړه. همدا «هو» ویل به درسره د نويو شیانو د هڅې په پرانیست کې او د نویو فرصتونو په رامنځته کولو کې ډیره مرسته وکړي.

۳. لږ څه، ډیر څه دي:

هڅه مه کوه چې هرکاره واوسې. په یو څو شیانو کې د غوره اوسیدو تمرکز وکړه. هڅه هغه وخت بیځایه کیږي، کله چې په ډیرو لارو وویشل شي.

۴. خپل احساس دې خلکو ته څرګندوه:

که کوم څوک ستا احساسات زیانمن کړي، نو له هغوی سره رښتینی اوسه. که له کوم چا سره د نه منلو وړ ملاقات لرې او همدا ملاقات تاته ښه احساس دربخښي، نو مقابل کس ته ووایه داچې ته په اړه یې څه ډول فکر کوې. کله چې له خپل مور و پلار سره په ټیلفون کې غږيږې، نو ورته ووایه چې «مینه درسره لرم». ژوند ډیر لنډ دی او ښایي هیڅکله هم پوه نه شې چې بیا به کله د خپل احساس د بیانولو فرصت نسبت هغوی ته ومومې.

۵. له بدلون سره مینه کول زده کړه:

یو شی چې کولای شې ډیر پرې ونازیږې هغه بدلون دی. در پیښ به شي او ته به یې مخه ونشې نیولی. تل به آسانه نه وي، خو بدلون په یوه دلیل سره پیښیږي. له بدلون سره روږدی شه.

۶. دومره څه نه لرې لکه څومره چې له لاسه ورکولو باندې یې فکر کوې:

ډیری وخت د لاسه ورکولو ډار موږ له خپلو خوبونو له څارلو څخه بې برخې کوي. کله چې له پوهنتون څخه فارغیږې، ډیر څه نه لرې چې له لاسه یې ورکړې. ولې هغه تجارت نه پیلوې چې تل به دې غوښته؟ زه تاته دا ډاډ درکوم چې ستا تر ټولو ناوړه طرحه دومره هم  ناوړه نه ده.

۷. د خلکو د خبرو په اړه ډیر تشویش کولو ته د پای ټکی کیږده:

د همځولو نظریو ته اجازه ورکول د دې لپاره چې ستا پر تصامیمو اغیزه وکړي، تر ټولو بد شی دی چې ته یې کوې. وروسته به یې درک کړې چې دا څومره احمقانه کار و. یوازینی شی چې ډیر مهم دی هغه دا دی چې ته د خپل ځان په اړه څه فکر او احساس کوې.

۸. له خپل ځان او نورو سره رښتینی اوسه:

له خپل ځان او نورو سره تل ریښینی اوسه. رښتینولي؛ ذهني آرامتیا دربخښي او ذهني آرامتیا خورا ګرانه ده. اړیکې، دروغو ته د پای ټکي کیښودو پر بنسټ جوړیږي.

۹. څومره چې کولای شې له نویو خلکو سره لیده کاته وکړه:

دا به تل درته روښانه نه وي؛ خو له هغو خلکو سره چې لیده کاته کوې کولای شي چې مرسته درسره وکړي. له خلکو سره داسې چلند کوه لکه څنګه چې ته غواړې او د نویو ملګرو په پیدا کولو کې له ځانه لیوالتیا ښکاره کړه. څومره چې ته فکر کوې، له هغه نه نړۍ کوچنۍ ده؛ حیران به شې چې څوک له چا سره په اړیکه کې دي.

۱۰. د یوازې اوسیدو لپاره وخت پیدا کړه:

یوازې اوسیدل هک پک کوونکی کار دی. وخت پیدا کړه چې یوازې د باندې چکر ته لاړشې. د خپل ځان ښه ملګری اوسه، غرمنۍ لپاره د باندې ځه، فلم لیدو لپاره ځه، او په سفر هم یوازې ځه. پوهیږم چې د یوازې اوسیدو مفکوره کولای شي چې فشار راوړونکې او له ډار ډکه وي، خو د خپل ځان په اړه همدا چې یوازې د باندې ځې، ډیر څه به زده کړې.

۱۱. پوښتنه کول زده کړه:

په هرڅه او په طاقه شیانو نه پوهیږې، له داسې خلکو سره به مخ شې چې له تا څخه به ډیر ځیرک وي. پلټونکی اوسه او غوره پوښتنې کوه. تر خبرو کولو زیات نورو ته غوږ نیسه او پوښتنې کوه. ځینې خلک باور نه کوونکې کیسې او درسونه درزده کوي. باید چې پوښتنو کولو ته علاقمندي وښېې.

۱۲. خلکو ته ښه احساس وروبخښه:

هیڅکله د یوې وړې ستاینې قوت هم کم مه بوله. هغو خلکو ته ښه احساس وربخښه چې ستا څخه راچاپیر دي او هرڅه به بیرته در غبرګ شي. خلک داسې بریښي چې د هغو خلکو یاد ته راوستلو لپاره یوه لار پیدا کړي چې دوی ته یې ځانګړی احساس وربخښلی وي.

۱۳. په خپل ځان پانګونه وکړه:

هیڅکله مه ودریږه. هو، د ښوونځي دوره پای ته رسیګي، خو ژوند یو سفر دی او که ته پرمختګ ونکړې، مړاوی کیږې. نوی مهارت زده کړه، نوی کتاب ولوله او نوې ژبه زده کړه. اړینه نه ده چې ته څه کوې، خو تر کومه بریده چې ته په ځان پانګونه کوې، همغومره پرمختګ کوې.

۱۴. د داسې یو کار کولو مینه پیدا کړه چې تا ننګوي:

داسې څه ومومه چې ته یې په اړه احساساتي یې او تا ننګوي. کله چې ته یې ترسره کړې، نو ځان به د ډیرو مکافاتو وړ وبولې.

۱۵. خپل ځان سره مینه کول زده کړه:

ترڅو چې خپل ځان سره په بشپړ ډول مینه کول زده نه کړې، نو نه شې کولای چې داسې ژوند وکړې چې له هر اړخه ښه اوسي. کله چې په هینداره کې ځان ګورې، نو ځان سره ووایه چې ته هم ښکلی یې او هم جذاب. په بیا بیا سره داسې ووایه، چې ته بیساری یې او هیڅ څوک ستا په څیر نه دي. دې مفکورې ته غیږه ورکړه او مینه ورسره وکړه.

250 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2