Categories

په فېسبوک کې به د ویدیو نوې برخه فعاله شي

تاند- ډېر ژر به په خپله فسبوکپاڼه کې یوه نوې برخه ووینئ چې (Watch) نومېږي او له دې لارې به د یوټیوب په شان ویدیوګانې لیدلی شئ.

د فېسبوک مسوولانو مخکې لا د لوړ کیفیت ویدیوګانو د جوړولو سپارښتنه کړې او د فېسبوک له کارونکو څخه یې هم غوښتي چې لنډې ویدیوګانې جوړې او خپرې کړي.

په دې برخه کې به هم، لیدونکي کولی شي چې هم خپل نظر ولیکي او هم د نورو نظرونه او وړاندیزونه ولولي.

دغه راز به د واچ کاروونکي کولی شي چې د خوښې ویدیو له ملګرو سره شریکه کړي.

اوس هم په فېسبوک کې ډېرې ویدیوګانې شته خو موجودې ویدیوګانې اماتورې یا نامسلکي دي. د ځینو کیفیت خورا ټیټ دی.

فېسبوک هیله لري چې واچ به دې شبکې ته د عوایدو یوه بله ګټوره سرچینه شي.

لومړی به واچ په امریکا کې فعاله شي، ورپسې به په نورو هیوادونو کې هم ترې کار واخیستل شي.

Leave a Reply

Your email address will not be published. Required fields are marked *