Categories

مسلم لیګ د نوازشریف پر ځای د نوموړي مېرمن کلثوم نواز صدارت ته رسوي

تاند- د صدراعظم په توګه د شهباز شریف له ټاکلو سره د مسلم لیګ ګوند له اختلافه وروسته دغه ګوند پرېکړه وکړه چې د پخواني صدراعظم مېرمن کلثوم نواز د صدارت چوکۍ ته ورسوي.

د نوازشریف په مشرۍ مسلم لیګ ګوند د ملي جرګې پر هغې چوکۍ چې نوازشریف ورڅخه د محکمې له لوري محروم شو، د کلثوم شریف د کاندیداتورۍ اسناد وړاندې کړل.

مخکې ټاکل شوې وه چې شهبازشریف د پنجاب له اعلي وزارته استعفا وکړي او ځان ملي جرګې ته کاندید او له بري وروسته صدراعظم شي.

د پاکستان سترې محکمې د فساد په قضیه کې نوازشریف نه یوازې د صدارت له چوکۍ بلکې د پارلمان له غړیتوبه هم بې برخې کړ.

د نوازشریف ځانګړي سلاکار نن /جمعه/ په لاهور کې وویل، مسلم لیګ پرېکړه کړې چې د ملي جرګې د ۱۲۰ حوزې لپاره د نوازشریف مېرمن کلثوم نواز کاندید کړي.

راتلونکې میاشت به پر دې چوکۍ د مېرمن کلثوم نواز او د عمران خان د تحریک انصاف د مېرمن یاسمین راشد ترمنځ انتخابات وشي.

Leave a Reply

Your email address will not be published. Required fields are marked *