Categories

اعلان

Loading…

امریکا هلمند ته یو شمېر سمندري ځواکونه لېږي

تاند- د امریکا متحد ایالتونه به د خپلو مځکنیو پوځیانو په غوښتنه افغانستان ته یو شمېر اضافي سمندري پلي سرتېري واستوي.

این بي سي نیوز د دوشنبې په ورځ د امریکايي چارواکو په قول وویل، دا سمندري ځواکونه به هلمند ولایت ته ولېږل شي چې په دغه ولایت کې د دېره امریکايي پوځیانو په ملاتړ او د یو بل په ساتنه کې برخه واخلي.

این بي سي نیوز وايي، دا ځواکونه د ولسمشر ټرمپ د افغانستان له نوې ستراتیژۍ سره ارتباط نه لري چې ویل کېږي پر اساس یې باید افغانستان ته نور ځواکونه ولېږل شي.

امریکا تل له افغانستانه خپل ځواکونه له یوې مودې وروسته باسي او پر ځای یې تازه دمه پوځیان راستوي خو داسې ښکاري چې دا سمندري ځواکونه د نورو پر ځای نه راځي؛ بلکې اضافي ځواکونه دي.

د این بي سي نیوز په راپور کې نه دي ویل شوي چې د راستول کېدونکو سمندري پلیو ځواکونو شمېر به څومره وي.

ویل شوي چې د دغو ځواکونو د لېږلو غوښتنه د سمدري ځواکونو قوماندان برید جنرال روجر ټونر کړې او عمومي قوماندان جنرال جوزیف ووټل تایید کړې ده.

سږ کال د دوبي په پیل کې هم امریکا شاوخوا ۳۰۰ سمندري پلي ځواکونه هلمند ته واستول چې د افغان امنیتي ځواکونو د روزنې بهیر چټک کړي او په جګړه کې افغان امنیتي او دفاعي ځواکونو ته مشورې ورکړي.

79 total views, 3 views today

Leave a Reply

Your email address will not be published. Required fields are marked *