Categories

اعلان

Loading…

سرخط؛ له ترهګرۍ، د تارياکوو او معدنونو تر جګړې

وايي ټرمپ دومره کنجوس سوداګر دی چې سياسي پرمختياوې هم د ګټې او تاوان په کاڼي او تله تلي.

د ځينو په اند اوباما افغان جګړې ته د نه بايلو له اړخه کتل، خو ټرمپ د دې جګړې د ګټلو په نيت او اراده راوتلی دی، تر دې چې يو شمېر شنونکيو د ټرمپ بې‌توپيري او شخصي بې‌باکي د دې جګړې د ګټلو زېری يا مقدمه معرفي کوله، خو ټرمپ د شپږو مياشتو په تېرېدو پرېکړه پر ځای پرېږده، پر تګلاره هم سلا نه‌شو.

لومړی يې خپل دغسې واک پنټاګان ته وسپاره، هغوی چې له ډېرو شاربلو وروسته هم کوم وړانديزونه د ده مخې ته کتار کړل، د ده خوښ نه‌شول. هغه ده چې د جان نيکلسن پر ګوښه کېدو د خپلې غوسې سړولو ته وروګرځېد، خو داسې ښکاري چې اوس له دغې پرېکړې هم په شا شوی دی.

ولسمشر غني د ښاغلي ټرمپ سوداګريز شاليد ته په کتو او د ګټې او حرص په رګونو د ګوتې ايښودو په موخه ده ته د افغانستان د معادنو يا تر ځمکه لاندې زېرمو او منرالونو هډوکی وغورځاوه، ګوندې وي چې د عسکرو او مرستو په زياتولو د خپل شتون دوام ته زړه ټينګ کړای شي، خو د ټرمپ زړه نازړه‌توب او په شا تګ هغه وخت څرګند و چې خپل واک يې دفاع وزير يا پنټاګان ته وسپاره.

پوښتنه دا ده چې امريکا په افغانستان کې د ترهګري له منځه وړل غواړي، که د خپل پوځي شتون دوام؟

اوولس کلنو پرمختياوو ته په کتو امريکا نه دا چې د ترهګري په له منځه وړلو کې رښتينی ګام نه دی پورته کړی، بلکې شتون يې د ترهګري غوړېدا ته مخه ورکړې چې له امله يې د افغانانو په زړونو کې د امريکا پر صداقت درنو شکونو تور سيوری غوړولی دی.

هسې هم له جګړې پرته د افغانستان په سټراټيژيک موقعيت کې د امريکا پوځي شتون پاروونکی او تر پوښتنې لاندې دی.

امريکايي مقاماتو په ډاګه کړې چې نوې تګلاره يوازې د افغانستان له‌پاره نه ده، جنوبي اسيا، منځني ختيز او منځنۍ اسيا د دغې سټراټېژي محور پېژندل شوی.

دا ښکاره ده چې د پوځونو زياتوالی د جګړې برخليک نه‌شي ټاکلای، په کورني اړخ کې ستر خنډ فاسد او کمزوری حکومت دی چې د پوځ سرښندنې يې په سيند لاهو کړې دي.

په بهرني هغه کې د ګاونډيو لاس‌وهنې او استخباراتي لومې دي چې د امريکا د سترګو پر وړاندې يې غوړولې دي.

امريکا نه ګوري يا نه پوهېږي که ځان ناګاره اچوي چې وسله‌وال مخالفان له کومه راځي، د تمويل او سمبالښت مرکزونه او اډې يې چېرې دي؟

دا سمه نه ده چې وايي طالبان په پاکستان کې پټنځايونه لري، طالب مشران په پاکستان کې په سمڅو، ګارو کې نه، په ماڼيو کې مېشت دي. له پاکستانه، د پاکستان په پاسپورټ سفرونه کوي.

پر پاکستان د پنځوس ميليونه ډالرو مرستې ځنډول د پاکستان ګوښه کېدل نه‌شي احتوا کولای، امريکا له پخوا پر پاکستان د ناز دغسې پاسته ګوزارونه کړي، د کېري لوګر له پيشنهاد شويو بنديزونو تر پريسلرو ترميم امريکا څو وار پر پاکستان غوړمبېدلې، خو پاکستان له خپلې استخباراتي سټراټېژي په شا شوی نه دی.

سړی نه پوهېږي امريکايي پوځيان، افغان پوځ ته د کومو پرمختللو وسلو د ښوونې خبرې کوي، په داسې حال کې چې له افغانستانه يې ورسره وړې وسلې پاکستان ته ډالۍ کړې، کومې وسلې چې امريکا افغان پوځ ته د خيرات په کاسو کې ورکړې، افغان عسکر يې تر امريکايانو ښې کارولای شي.

د معادنو جنګ په يو ډول نه يو ډول وار له مخه په افغانستان کې تود دی، د تارياکو جګړه له کلونو غځېدلې، د ترهګري لمبې له مودو ژبغړاندې دي، استخباراتي جنګونه دا دی نيمې پېړۍ ته ورسېدل، خو په کومه کچه چې اوس امريکا د معادنو جګړې ته بلل کېږي، دا ښايي د جګړو له يوه نوي او پټ دوزخه سر لېرې کړي.

بيا به دغه جګړه لکه د افغانستان قراردادونه يوه کمپنۍ په بله پلوري او د دې له‌پاره چې د کمپنيو ګټې او قراردادونه خوندي وي، جګړه به د ماتې او بري تر منځ په برزخ کې ژوندۍ وي.

خو دا چې د افغانستان معدنونه به د ټرمپ له‌پاره څومره جاذبه ولري څرګنده نه ده، خو هغه څه چې څرګند دي دا دي چې امريکا ډېری جګړې همداسې بې‌پايلې يا په نيمه کې پرې‌ايښې، له ويټنامه تر کوريا، تاريخ د امريکا په دغسې چلند ګواه دی.

افغان چارواکي بايد پردۍ ښوروا ته د وړولو عادت پرېږدي. ملګرو هم د انټرنېشنليزم په هوس کې د ستر شمالي ګاونډي ښوروا ته وړه کړې وه. کارمل د انسان شوروي، فهم و درايت شوروي، اخلاق شوروي، شعور سياسي شوروي بوللو ته اړم و، خو حقيقت زموږ پر وړاندې دی.

د جنرال کيسر په خبره، يوازې مرستې او بهرنی ملاتړ هره ستونزه نه‌شي هوارولای، که نه ولاړ شئ په وردګو کې ډيپوګان وګورئ چې تر مورګو ډک نه دي؟

د امريکا بهرنی سياست کانکريټ يا مدون دی، په تاکتيکونو کې يې بدلون راتلای شي، خو سټراټېژي يې همېشه د ملي ګټو پر بنسټ درېدلې ده.

د ټرمپ تګلاره به هم د امريکا ګټو ته ژمنه راخېژي، زموږ له‌پاره پر خپلو ګټو پښې نه‌شي ايښودلای.

له موږ سره دا ظرفيت شته چې د امريکا له ګټو سره خپلې هغه وپېيو يا له خپلو سره د امريکا ګټې همغږې کړو؟

سرخط ورځپاڼه

245 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2