Categories

د تایوان په یوه ودانۍ کې ۲۳ زره ونې

‌تاند- د تایوان د پلازمېنې په دې اسمانڅوکې وداني کې، چې لا کار پرې روان دی، د هوا د ککړتیا د مخنیوي لپاره ۲۳ زره ونۍ اېښودل شوي دي.

په پلازمېنه ټایپې کې پر دې ۲۱ پوړیزه څرخېدونکې ودانۍ لا هم کار روان دی او ټاکل شوې ده چې د سږ کال تر سپټمبر پورې بشبړه شي.

د دې اسمانڅوکې ودانۍ د جوړېدو اصلي هدف د تایپې په مترو پولیټن یا ستر ښار کې د هوا د ککړتیا مخنیوی ښودل شوی دی.

په ودانۍ کې راز راز امکانات، چې د ګلتوني ګازونو له کمېدو سره مرسته کوي، په پام کې نیول شوي دي.

د ودانۍ په پراخ بام کې به لمریزه انرژي تولیدېږي. د باران اوبه به هم زېرمه کېږي او د ودانۍ د اوسېدونکوله لوري به کارول کېږي.

د دې اسمانڅوکې ودانۍ ونې به د کال یولکو ۳۰ زره ټنه کاربون، چې ۲۷ موټرونه یې تولیدوي، ټولوي.

په دې لوړه ودانۍ کې ۲۳ زره ونې شته. همداراز د ودانۍ د رڼا یا روښنايي او د هوا د تخلیې سیستم طبیعي جوړ شوی دی.

Leave a Reply

Your email address will not be published. Required fields are marked *