Categories

اعلان

Loading…

د طالبانو عدالت|| تمنا شېبه

ښايي ډېرې داسې جملې خولې ته راشي، چې په ويلو يې پښېمانه شم، یا د کورنۍ له لوري وګواښل شم، یا د ټولنې خلک مې ورټي، سپکې سپورې راته ووايي.

زه د يوې داسې ټولنې غړې يمه، چې يواځې د غم، کار او ستونزو په وخت کې مرسته کولی شم، زه د ژوند له انتخاب نه محرومه يم، زه له چا سره په وازه خوله خبرې نه شم کولای.

ټول غمونه او دردونه را ترغاړې دي، که مې ورور بدمعاشۍ ته لاس اچوي او د چا تندی په نښه کوي، د کلي مشران، د کلي علما او د قومونو مشران مې  لوڅې پښې او سر تور سر د مقتول کورنۍ ته ورسپاري.

زه د ستونزو په ګرداب کې ورکه يمه، زه باید د ماشوم زېږونې فابريکه و اوسم، زه باید ډاکتر ته لاړه نه شم، ځکه ډاکتر نا محرمه او د نجونو زدکړې ناروا دي.

زه د ټولنې له سترګو هغه لوېدلی يو بې سېکه وجود یم، چې ټولنه له ما پرته د تکامل پړاوونه وهلی نه شي، ټولنه کې زما شتون  په جسد کې د روح په څېر ده، خو بیا هم د ټولنې وګړو زما وجود بابېزه ګڼلی دی.

زموږ د کلي ملا امام سره خو تاسو ټول شناخت لرئ، کله چې په منبر کيني، نو د بيبیانو کيسې پيل کړي، کله، کله خو يې سترګې له اوښکو راډکې او غرېو يې په ستوني کې خبرې پرې کړي، په ډېر افسوس ووايي، چې تر ټولو زیات حديثونه حضرت عایشې رض روايت کړي دي.

تېره ورځ  له همدې منبر څخه زموږ په يوه کليواله باندې تهمت پورې شو، چې له بل چا سره نامشروع اړيکې لري، يوه ډله وسله وال راغلل، زموږ کليواله يې له ځان سره يووړه، يو دوه نور ځوانان يې هم ونيول، تر څو د خلکو په سترګو کې خاورې وشيندي او خلک په دې تېر باسي، چې دا نجلۍ ګناهکاره ده، باید مجازات شي.

د کلي ملا امام د ماښام له لمانځه وروسته غاړې تازه کړې، د محراب په  توفدانۍ کې يې ناړې توف کړې، بیا يې د اولاوډ سپېکر مايک په ټټر وټومبل او په احساساتي چيغو يې  کليوالو ته پېغورونه ورکړل، چې تاسې کله مسلمان ياست، تاسې  دغربي ډيموکراسۍ تر اغېز لاندې راغلي ياست، څو ځله مې نصیحت کې درته يادونه کړې وه، چې خپلو مېرمنو، لوڼو او خوندو ته د بېرون تګ اجازه مه ورکوئ، اوس خو مو پايله وليده، چې ستا د کور يوه غړې د نامحرم په غېږ کې پرته وي او تاسو هډو خبر نه یاست، ټوخي واخیست، په جومات کې يې سترګې وغړولې او په ډېر افتخار يې وويل شکر چې دا پنځه مجاهدين لرو، چې د هرې ناروا مخه يې نيولې ده، که دا د اسلامي امارت مجاهدين نه وای، نو ستاسو هر يوه کور ته به امريکايی رسېدلی و، د همدې څو مجاهدينو قدر وکړئ.

کليوال ځړېدلي سرونه ناست و، لکه دوی چې ټول مجرمين وي، لکه دوی چې د غربیانو سکه وروڼه وي او یا اوس يې له کلیسا د جومات خواته مخ اړولی وي.

د منبر ملا خلک وښکنځل، د پای په خبرو کې يې کليوالو ته بیا پېغور ورکړل، مجاهدين خو هسې هم کورونو ته بيولی نه شئ، نو مجاهدينو ته ډوډۍ راوړي، ترڅو هغوی وږي پاتې نه شي.

لکه پر کلي چې د بلا څپه راغلې وي، خلک ښکته پورته کېدل، خو خاموشي ماته نه شوه، څلورمه ورځ بیا وسله وال طالبان د کلي مسجد ته راغلل، اولاډ سپېکر کې يې  خبرې پيل کړې، خلک يې مخاطب کړل

سبا دوشنبه د مکتب ميداني ته راټول شئ، هغه فاحشه په سزا رسوو، تاسو ټول دې خبر يئ، جېبونه يې له کاغذونو ډک و، هر لاروي ته به يې کاغذ نيو، چې سبا نهه بجې د مکتب ميداني ته راټول شئ،  چې يوه فاحشه د خپلو اعمالو په سزا رسېږي.

ددې خبرو له اورېدو سره مې ټکان وخوړل، چې څومره ژر بیا طالبانو شواهد تر لاسه کړل، زموږ کليواله فاحشه وګڼل شوه او بیا سبا د خپلو اعمالو په سزا رسېږي، خو فکر ملتیا ونه کړه.

ماښام دروازه وټکېده، دروازه مې نيمکښه کړه، هلک راته اوړه ونيول، دا سبا اوو بجوته پاخه کړئ، د میاخان اکا د لور واده دی او سبا يې ورا راځي، له دې خبرې سره مې ټکان وخوړل، چې دوی خو ځکه دومره ژر په يوې نجلۍ فتوا صادره کړه، چې بله خور يې سبا په ډولۍ کې سپږيږي او د خوسر خېلو کلي ته تللې لار هم د مکتب له ميداني تېرېږي.

چا به غوږونه نيول، خدایه د ازمايښت له ځایه مو وژغورې، چا به بیا ويل د پليتو او فاحشو لپاره همدا سزاګانې ښې دي، سبا سهار د کلي ټول زاړه، واړه، ځوانان او له نورو کليو په سلګونو خلک راغلي و، د سات ستنه لس نيمو ته نژدې کېده، چې حنیفې سترګې يې تړلې وه، د سلګونو خلکو په منځ کې يې کېنوله او خلکو ته په خبرو کې يو کس وويل، چې اسلام هر څه ته حدود ټاکلي دي، نو موږ مجاهدينو چې کله څېړنه وکړه، دا نجلۍ ګناهکاره ده، په خپل جرم يې اعتراف کړی  او باید  د خپل عمل پاداش وويني.

وروسته یو بل سړی د نجلۍ خواته نژدې شو، نجلۍ يې سل دورې ووهله، خو يواځې نجلۍ د دورو وهلو مستحقه وګڼل شوه په يوه داسې ورځ حنیفه د طالب یاغيانو له لوري په جزا محکومېږي،چې د بلې خور د ورا موټرې يې هم نندارې ته راغلې وې، د کلي ځوانانو او  پګړۍ وهلو په خپلو موبایلونو کې د صحنې انځورونه اخيستل او ځينو نورو يې بیا ويډيوګانې کولې.

خو اصلا نه حنيفه ګناهکاره او نه يې له چا سره ناروا اړيکې درلودلې، بلکې د حنیفې کشری ورور د محلي پولیسو په ليکو کې خدمت کول، کله چې د وسله والو مخالفينو حيات خان ته زور نه رسېده، نو يې د حيات خان په  کورنۍ او خور يې  خپله غوسه سړه کړه

311 total views, 1 views today

1 comment

  1. حسن Reply

    آخ ، څومره دردونکې کيسه ده ، زمونږ د هېوادوالو حقیقي ژوند همداسې ده لکه چې تاسو انځور کړی دی.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2