Categories

اعلان

Loading…

طالبانو د غزني په شاوخوا پوستو بریدونه وکړل

تاند- د غزني امنیتي چارواکي وايي چې د دغه ولایت د مرکز په لمنو کې یې د طالبانو حملې ناکامې کړي دي.

د غزني سرپرست امنیه قوماندان مصطفي مایار وویل، تېره شپه وسله والو طالبانو غزني ښار ته څېرمه په زنه خان سیمه کې پر امنیتي بوستو بریدونه وکړل چې د امنیتي ځواکونو له مقاومت سره مخامخ شول.

مایار وايي چې طالبانو ته مرګ ژوبلې واوښتې او مجبوره شول چې په شا شي.

ده د طالبانو او امنیتي ځواکونو د تلفاتو د کره شمېر په اړه څه ونه ویل.

طالبانو تراوسه پورې په دې اړه څه نه دي ویلي.

تر دې وړاندې په وروستیو اوونیو کې طالبانو لږترلږه دوه ځلې نو د غزني ښار د نیولو په نیت د ښار په شاوخوا کې پر امنیتي بوستو بریدونه کړي وو.

د غزني تقریباً ټولې پښتون مېشتې ولسوالۍ ناامنې او د طالبانو تر اغېز لاندې دي خو د جاغوري په شان په هزاره مېشتو سیمو کې بشپړ امنیت دی او د پرمختګ چارې روانې دي.

12 total views, 1 views today

1 comment

  1. عبدالله مظلومیار Reply

    دا ځکه چې جهاد یواځې په پښتنو فرض دی ، که مجاهلینو سره د پښتنو همدردي نه وای اوس به هلته هم د پرمختګ چارې روانې وې.

Leave a Reply to عبدالله مظلومیار Cancel reply

Your email address will not be published. Required fields are marked *