Categories

اعلان

Loading…

کابلوف: که د داعش پر ضد په افغانستان کې اقدام ونه شو مسکو به یې پرضد اقدام وکړي

تاند- د افغانستان لپاره د روسیې خاص استازی وايي، که د افغانستان حکومت او په دغه هیواد کې بهرني پوځیان د داعش په وړاندې اقدام ونه کړي، روسیه به د دې ډلې پر ضد اقدام وکړي.

د افغانستان لپاره د ولسمشر پوتین ځانګړي استازي زامیر کابلوف وویل، د داعش د غړیو د شمېر زیاتېدا او د منځنۍ اسیا په هدف په افغانستان کې د اډې د جوړولو لپاره د هغوی هلې ځلې د روسیې لپاره د اندېښنې وړ دي.

کابلوف غوښتنه وکړه چې د افغانستان حکومت او په دغه هیواد کې دېره نړیوال ځواکونه دې، چې د تروریستانو د ځپلو لپاره افغانستان ته راغلي، په جدي ډول د داعش ډله وځپي.

روسیې او ایران په ځلونو په افغانستان کې د داعش پر حضور اندېښنه ښوولې ده ځکه دا دوه هیوادونه فکر کوي چې داعش یوازې په افغانستان بسنه نه کوي بلکې تروریزم د افغانستان له پولو دباندې هم صادروي.

کابلوف وویل، که د افغانستان حکومت او بهرني پوځیان د داعش په وړاندې لاس تر زنې کښېني، مسکو به پخپله د دې دلې پر ضد د افغانستان په خاوره کې اقدام وکړي.

7 total views, 2 views today

Leave a Reply

Your email address will not be published. Required fields are marked *