Categories

اعلان

Loading…

چارواکی: د هیبة الله زوی په انتحاري برید کې نه دی وژل شوی

تاند- د ګریشک امنیه قوماندان وايي، د طالبانو د مشر ملا هیبة الله زوی په انتحاري حمله کې نه بلکې د افغان امنیتي ځواکونو له لوري وژل شوی دی.

د ګریشک امنیه قوماندان څارمن محمد اسمعیل خپلواک وايي، دا خبره هیڅ حقیقت نه لري چې د طالبانو د مشر زوی د ګریشک پر پوستو په انتحاري حمله کې وژل شوی دی.

خپلواک وايي، افغان امنیتي ځواکونو د هیبة الله زوی وویشت او ویې واژه.

د طالبانو پلویانو د خپل مشر د زوی انتحاري حمله د دې ډلې لپاره لوی ویاړ بللی خو مخالف اړخ یې وايي، که جنګ ویاړ وي د افغانستان د ولسمشر لومړي مرستیال کلونه د جنګ په جبهه کې تېر کړي او زوی یې اوس هم د ملي اردو په لیکو کې د دښمن خلاف جنګېږي.

د هلمند د ګریشک ولسوال څارمن خپلواک وايي، د ګریشک په ده ادم خان کمربند کې د سرطان په نهه ویشتمه (شنبه) طالبانو د ۳ هاموې زغرګاډو او یوه مازاد موټر په وسیله پر امنیتي پوستو برید وکړ چې په لړ کې یې د افغان امنیتي ځواکونو له لوري د نورو طالبانو په منځ کې د ملا هیبة الله زوی هم ووژل شو.

دی وايي، له دې پېښې وروسته طالبانو تبلیغات پیل کړل چې د هیبة الله زوی انتحاري برید کړی دی.

320 total views, no views today

Leave a Reply

Your email address will not be published. Required fields are marked *

۸