Categories

اعلان

Loading…

د پلان فيوچر «د کارموندنې وړيا تخصصي ټريننګونه»

 د پلان فيوچر تخنيکي، علمي او مسلکي زده کړو مرکز د افغانستان د اطلاعاتو او فرهنګ وزارت او د سپين ماموريت په هم‌کارۍ د «کارموندنې د تخصصي زده کړو وړيا ټريننګونه» تر سرليک لاندې کنفرانس د چنګاښ د مياشتې په ۲۹مه نېټه د دې مرکز د غونډو په تالار کې ترسره شو.
په‌دې کنفرانس کې د اطلاعاتو فرهنګ وزارت د ځوانانو چارو مرستيال ښاغلي ډاکټر کمال سادات، د افغانستان د سوداګرۍ او صنايعو خونې د مديره پلاوي سوداګریز مرستيال ښاغلي الحاج محمد یونس مهمند، د بهرنيو ادارو استازيو، د خصوصي سکټور غړيو او د دې مرکز ډېری زده کوونکو ګډون درلود.
د يادونې وړ ده، چې د پلان فيوچر ادارې له پيل څخه تر دې دمه د اړونده ادارو په همکارۍ ۵۲۰ تنه هغه ځوانان، چې تازه له پوهنتونونو فارغ شوي دي، د کارموندنې د تخصصي زده کړو په برخه کې روزلي او ځينې يې دولتي او غيردولتي ادارو ته د دندو په موخه ورپېژندلي هم دي.
په دغه تخصصي زده کړو کې (برېښناليک ليکنه، سي‌وي او Cover Letter ليکنه، د حکومتي سيسټم د ګمارنې پروسيجر، د سي‌بي‌ار او يواِن فورمونو ډکول، د کاري‌مرکې لپاره چمتووالی، د کاري‌مرکې پوښتنې او ځوابونه، د کاري‌مرکې تخنيکونه، عملي کاري‌مرکه، د دفتر تنظيم…) موضوع‌ګانې شاملې وي.
پاتې دې نه‌وي، چې د پلان فيوچر ادارې په هېواد دننه او بېرون له بېلابېلو خيريه، دولتي او غيردولتي ادارو، لکه د هندوستان هېواد له «اوريين» او «سټنډفورډ» ادارو سره د تحصيلي همکاريو تفاهمنامې لاسليک کړي‌دي.
د پلان فيوچر د يوې سروې پر بنسټ، هغه ځوانان چې تازه له پوهنتونونو/ښوونځيو څخه فارغ او د دندې په لټه کې وي، دا ډول تخصصي او تخنيکی زده کړو ته له هر چا ډېره اړتيا او ضرورت لري، که چېرې نورې مرستندويه ادارې او ډونران له موږ سره په‌دې برخه کې همکاري وکړي، نو پلان فيوچر کولای شي، چې د هېواد په ۳۴ولايتونو کې دا ډول تخصصي او تخنيکي وړيا پروګرامونه پر لار واچوي.

254 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2