Categories

اعلان

Loading…

استرالیايي ورځپاڼه وايي چې د دغه هیواد صدراعظم تر ټولو زیاتې پیسې د افغان ولسمشر پر مېلمستیا لګولي

تاند- په استرالیا کې په دې انتقادونه شوي چې د دغه هیواد د مالیه ورکوونکو ۴۵۰۰ ډالره یوازې په دې لګېدلي چې د دغه هیواد صدراعظم مالکولم ټرنبل د افغانستان له ولسمشر سره د مسلمانانو په شان حلال خواړه وکړي او بې الکوله مشروبات وڅښي.

د افغانستان ولسمشر د سږ کال په اپریل میاشت کې استرالیا، اندونیزیا او سینګاپور ته سفر وکړ.

د مېل ورځپاڼې د راپور له مخې، د استرالیا په پارلمان کې د افغانستان ولسمشر ته په درې وخته ډوډۍ کې د سالمون کب او پسه غوښه او د سهارنۍ لپاره شات، زعفران او نور خوراکونه شامل ول.

د اپریل په درېمه نېټه د دې ډوډۍ بیل ۴ زره ۶۶ ډالره او ۵۰ سینټه حساب شوی دی.

په دې بېل کې د ګلانو د ګېډۍ او د غیرالکولي سایډر (یوډول څښاک) پیسې هم شاملې دي.

د استرالیا ډیلي مېل ورځپاڼه وايي چې د صدراعظم له دفتر څخه یې په دې اړه د معلوماتو غوښتنه وکړه خو دغه دفتر له څه ویلو ډډه وکړه.

خو ورځپاڼه وايي چې استرالیا ته د افغانستان د ولسمشر له سفره درې اوونۍ وروسته د امریکا مرستیال ولسمشر ته څو چنده ارزانه مېلمستیا وشوه. په راپور کې ویل شوي چې د امریکا د مرستیال ولسمشر مایک پینس مېلمستیا په ۷۳۷ ډالره تمامه شوه او د څښاک بیه یې یوازې ۸ ډالره او ۸۰ سینټه وه چې کافي او چای و.

17 total views, 1 views today

1 comment

  1. Shamshad Zadran Reply

    زموږ ځینی جهادي قومندانان او وکیلان تر دي زیاتي پیسي هره هفته په دوبی او تاجیکستان کې په عایشی مصرفوی
    په داسي حال کې د چې د افغانستان او استرالیا اقتصاد هیڅ د پرتلي وړ نه ده
    زموږ عام ولی له لویږي او ناروغیو مړي خو ځیني وکیلان اوقومندانان د قوم او اسلام په نامه تر لاسه شوو پیسو مزي کوي
    هیڅ حساب او کتاب ورسره نه کیږي

Leave a Reply

Your email address will not be published. Required fields are marked *