Categories

اعلان

Loading…

امریکا وايي، په افغانستان کې د داعش مشر په یوه حمله کې ووژل شو

تاند- د امریکا دفاع وزارت وايي چې په افغانستان کې د اسلامي دولت یا داعش د سختدریځې ډلې مشر ابو سید په یوه حمله کې ووژل شو.

د واشنګټن پوسټ ورځپاڼې د راپور له مخې، د امریکا دفاع وزارت نن /جمعه/ په یوه خبرپاڼه کې وویل چې ابوسید د سې شنبې په ورځ په کونړ ولایت کې په یو لړ عملیاتو کې ووژل شو.

پینتاګون ویلي چې د ابوسید وژل کېدا به په افغانستان کې د داعش فعالیت له جدي خنډ سره مخامخ کړي.

که د ابوسید وژل کېدا تایید شي، دا به په افغانستان کې داعش ته یو بل لوی ګوزار وي.

تر دې وړاندې په اپریل میاشت کې د داعش یو بل مشر عبدالحسیب ووژل شو.

افغان او امریکايی پوځیان له یوې مودې راهیسې په ننګرهار کې د داعش پر ضد فشار زیات کړی دی.

تېر کال په افغانستان کې د داعش پخوانی مشر حافظ سعید خان ووژل شو.

304 total views, 2 views today

Leave a Reply

Your email address will not be published. Required fields are marked *

۸