Categories

اعلان

Loading…

حکمتیار د جګړې په خاتمې کې له قومي مشرانو د مرستې غوښتنه وکړه

دوشنبه، د چنګاښ ۱۹مه
 
د حزب اسلامي امير انجينر ګلبدين حکمتيار د خوست له يو شمېر قومي مشرانو، جهادي قومندانانو او علماوو سره په کتنه کې د جګړې په پای ته رسېدو ټينګار وکړ.
په دغه کتنه کې چې د دوشنبه په ورځ د حزب اسلامي د مشر په هستوګنځي کې ترسره شوه، په ټول هېواد او په ځانګړې توګه خوست کې د سولې او امنيت په ټينګښت خبرې وشوې.
د حزب اسلامي مشر وويل، قومي مشران، جهادي شخصیتونه، علمآ او ځوانان باید د خپلو سيمو امنيت پخپله وساتي او پر جګړې بنديز ولګوي.
نوموړي وويل، ولسونه بايد له دولت او وسله والو مخالفينو وغواړي چې د دوی په سيموکې جګړه و نه کړي او وسلې هم و نه ګرځوي.
د ښاغلي حکمتيار په وينا که خلک د خپلو سيمو امنيت پخپله وساتي، نو بيا به څوک ددې جسارت و نه کړي چې جګړه وکړي او يا وسله وکاروي.
د حزب اسلامي مشر زياته کړه، له بهرنيانو بايد د جګړې د پای ته رسيدلو هيله و نلرو، ځکه بهرنيانو د پرمختللو وسلو او تجهيزاتو په مټ دا جګړه و نه شو ګټلی.
نوموړي ټينګار وکړ چې د جګړې د پای ته رسېدلو تر ټولو غوره، ساده او آسانه لار د قومونو همکاري ده او قومونه بايد د خپلو سيمو امنيت وساتي.
حکمتیار وويل، افغانان بايد خپلې ستونزې په خپله حل کړي او خپل هېواد ته امن راولي.
د حزب اسلامي امير په دغه کتنه کې د علماوو ترمنځ په يووالي ټينګار وکړ او زياته يې کړه چې قومي او مذهبي مشران او علمآ بايد خپل اختلافات پای ته ورسوي او د ښمن ته اجازه ور نه کړي چې د دوی له اختلافونو نه ګټه پورته کړي.
د هغه په خبره که د علماوو ترمنځ يووالی رامنځته شي، نو خپلو موخو ته ژر رسيدلی شي او هېڅ څوک به د دوی په وړاندې خنډ نه شي.
په دغه کتنه کې څو تنو قومي مشرانو د نورو په استازيتوب خبرې وکړې او له ښاغلي حکمتيار څخه يې خپل ټينګ ملاتړ څرګند کړ.
 دوی وويل، ټول افغانان سوله او ملي يووالی غواړي او د خوست خلک به ستاسو تر څنګ ولاړ وي.
دغه راز دوی د حزب اسلامي مشر ته بلنه ورکړه چې خوست ولايت ته سفر وکړي او ښاغلي حکمتيار هم د دوی بلنه و منله او ژمنه يې وکړه چې په مناسب وخت کې به خوست ته سفر وکړي.

250 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2