Categories

اعلان

Loading…

د سولې عالي شورا د سولې لپاره په نوې روحیه نوې ستراتیژي اعلان کړه

تاند- د افغانستان د سولې عالي شورا نن /دوشنبه/ له طالبانو سره د سولې لپاره په یوه نوې روحیه نوې ستراتیژي اعلان کړه.

په دې ستراتیژۍ کې، چې د کریم خلیلي په مشرۍ د دې شورا پر ۷ کلونو نابریالیو چارو له غوره وروسته په عمومي غونډه کې اعلان شوه، د طالبانو په وړاندې نرم او سوله ییز دریځ ښودل شوی دی.

د سولې د عالي شورا رييس کریم خلیلي په افغانستان کې د جګړې دوام ته په اشارې وویل«په داسې حال کې چې شرایط ډېر حساس او جدي دي، د سولې نوی بهیر پیلېږي او موږ به د خپلو کمزورو ټکو د لېري کولو او د قوي برخو پیاوړتیا ته پام واړوو.»

ښاغلي خلیلي تاکید وکړ چې د دوی دریځ دا نه دی چې طالبان دې تسلیم شي«په یوه نوي نظر چې زموږ د جدي مخالفانو یعني طالبانو په شمول ټولو خواوو ته درناوی دی، د دوی نظرونه او غوښتنې څېړو او د دوی نظرونو ته په احترام او د هغوی د یو شمېر ښو او ملي نظرونو د منلو ترڅنګ باید د سولې پروسه تعقیب کړو.»

خلیلي په عین حال کې وویل چې سوله د بې معنا امتیاز ورکولو معنا نه لري او د افغانستان بریاوې او اساسي قانون یې قرباني کېدای نه شي.

ده دا هم وویل چې د سولې د پروسې په اړه به له ټولو سیاسي، حقوقي او ټولنیزو کړیو سره خبرې او مشورې وکړي.

د سولې د عالي شورا د دارلانشا رييس اکرم خپلواک وویل چې د دې شورا په نوې ستراتیزۍ کې د نیمګړتیاوو د ختمېدو هڅه شوې ده.

7 total views, 1 views today

Leave a Reply

Your email address will not be published. Required fields are marked *