Categories

اعلان

Loading…

د ایران د بهرنیو چارو وزارت د افغانستان د اوبو لپاره ځانګړې کمېټه جوړه کړه

تاند- د ایران د بهرنیو چارو وزارت له افغانستان سره د اوبو او سیاسي مسایلو لپاره کمېټې جوړې کړي دي.

د ایران د بهرنیو چارو وزارت ویندوی بهرام قاسمي د یکشنبې په ورځ وویل، څو اوونۍ مخکې د افغانستان پلاوي تهران ته ورغلل چې په لړ کې یې د دوو هیوادونو ۵ ګډو کمېټو کار پیل کړ.

ده د دوو کمېټو مسوولیت د ایران د بهرنیو چارو وزارت وباله او ویې ویل چې په دغو کمېټو کې د اوبو د کمېټې مسوول ښاغلی عراقچي او د سیاسي کمېټې مسوول ښاغلی رحیمپور دی.

د ایران د بهرنیو چارو وزارت ویندوی بهرام قاسمي

قاسمي دا څرګندونې د افغانستان د اوبو او بندونو په وړاندې د ایران د ولسمشر حسن روحاني پر څرګندونو د افغانانو له پراخو عکس العملونو وروسته وکړې.

روحاني په تهران کې یوې غونډې ته د وینا په مهال د افغانستان د کجکي، کمال خان او سلما پر بندونو د انتقاد په ترڅ کې وویل چې ایران به په افغانستان کې د بندونو د جوړېدو په وړاندې بې تفاوته پاتې نه شي.

د روحاني دا څرګندونې د افغانانو له خورا بې ساري عکس العمل سره مخامخ شوې.

افغان حکومت هم د روحاني څرګندونې بې ځایه وبللې.

 د ایران د بهرنیو چارو وزیر افغانستان ته د خپل هیواد د بهرنیو چارو وزیر ښاغلي ظریف سفر ګټور وباله. دا په داسې حال کې ده چې ظریف د روحاني تر څرګندونو ډېر وړاندې کابل ته راغلی و.

ایراني رسنۍ په ښکاره په افغانستان کې د بندونو له جوړېدا سره مخالفت کوي او وايي چې د افغانستان اوبه باید په اوسني ډول او حتي تر دې ډېرې ایران ته وبهېږي.

په وروستیو ورځو کې ایراني اجیرانو د سلمان بند د ویجاړولو په هدف په چیشت شریف ولسوالي کې د سلما بند د ساتونکو پولیسو پر پوستو یرغل وکړ او لږترلږه ۱۰ تنه افغان پولیس یې شهیدان کړل.

د ایران د بهرنیو چارو وزارت ویندوی وايي«موږ له دوست او ګاونډي هیواد افغانستان سره د بحث لپاره ډېر مسایل لرو او په هغو کې یوه تر ټولو مهمه چې په وروستیو کلونو کې زیاته یاده شوې ده، د بندونو پر سر بحثونه دي. د بندونو په ډله کې یو هم د سلما بند دی چې د هندیانو له لوري په ۲۵۰ ملیون ډالرو جوړ شو او په هغه کې زموږ د اوبو حق او حقوقو ته پام نه دی شوی. دا بند د ایران د خراسان پر اوبو ډېر اغېز لرلی شي او دا یوازې یوه بېلګه ده.»

د افغانستان د اوبو او انرژۍ وزارت وايي چې له ایران څخه افغانستان ته لږترلږه د درو بهیدونکو سیندونو اوبه د ایران له لوري په وروستیو کلونو کې کاملاً پرچاو شوي دي خو ایران په دې اړه څه نه وايي.

ډېری کتونکی د افغانستان د جګړې د دوام په څو عواملو کې یو هم د افغانستان اوبه بولي. پاکستان هم د افغانستان له ثبات او سولې سره د خپل مخالفت په توجیهاتو کې د ډیورند کرښې ترڅنګ د اوبو یادونه کوي او فکر کوي چې ارام او سوله ییز افغانستان به پر کابل او کونړ سیندونو بندونه جوړ کړي.

د انرژۍ کارپوهان وايي چې که د ګاونډیو هیوادونو دښمني کمه شي افغانستان د برښنا دومره لوړ ظرفیت لري چې نه یوازې خپلو ټولو وګړو بلکې اکثرو ګاونډیو ته هم برښنا ورکولی شي. خو اوس افغانستان د خپلو شمالي ګاونډیو برښنا ته محتاج دی.

60 total views, 3 views today

3 comments

  1. Attal Reply

    افغانان باید د هر یرغلگر به وراندی سره یو سی او اجازه ورنکری جی د افغانانو به به منافعو تیری وکری
    مره دی وی د افغانستان دشمنان

  2. Attal Reply

    رئس جمهوره تینگ هود وکره ملت ستا سره دی

  3. شاهین افغان Reply

    ره ملت ستا سره دی

    دوه وړاندیزونه
    که دوی ته اوبه حیاتي ارزښت لري ، د افغانستان لورې ته له دوی نه زیات ارزښت لري.
    لومړي فکر کوم زمونږ دهېواد د خارجی سیاست همغږی کوونکی ، پرمخ وړونکی او عملی کوونکی ارګان یا اداره « د افغانستان د باندینیو چارو وزارت» نومېږي ، نه بهرنیو چارو، ځکه مونږ د اردو بهرنیوچارو پرځای په پښتو ژبه کې د باندینیوچارو کلیمه لرو.
    دوهم د افغانستان د باندینیو یا خارجه چارو وزارت هم دنده لري د خپلو اوبو د کنترول او سمبال لپاره په خپل تشکیل کې « له ګاونډیو هېوادونو سره د افغانستان د اوبو د تنظیم او سمبالښت » یوه اداره جوړه کړي. چې د اوبو له مسلکی او حقوقي اړخه کارپوهان په خپل تشکیل کې شامل کړي، دافغانستان دولت ته قانونی او حقوقی مشورې ، وړاندیزونه ورکړي او د حل لارې ولټوي. له بل لورې د ایراني خوا سره به یوه همتا او مشابه منسجمه ، مسووله او مسلکي اداره مونږ هم ولرو.
    که ایران د هریرود په اوبو افغانستان سره ستونزه لري ، کېدای شي د مرحوم محمدموسی شفیق د خدمت په شان یو کورنۍ او د ضرورت په وخت کې دوه اړخیز او یا بېطرفه نړیوال کميسیون پدې باره کې څېړنې وکړي . د افغانستان قانونی حق معلوم کړي.
    کوم واړه سیندونه چې د هرات او فراه له ولایتونو سره په سرحدي نقطه کې د ایران له خوا افغانستان ته بهېدل اوس هغه د ایران له خوا کاملا بند او وچ شویدي. دوی هم مونږ او زمونږ چاپېریال ته پریمانه تاوانونه را رسولي دي. د دغو وړو سیندونو سرنوشت باید معلوم شي.
    دهلمند سیند چې د نیمروز ولایت کې د ایران پولې سره نژدې بهيږي ، د موافقتنامې سره سم باید اوبه په دوه یا درې نقطو کې په معین مقدار سره ایران ته تحویل ورکړل شي ، مګر ایراني لورې هلته خپله خوا ژوره کړې ، له معین مقدار نه زیاتی اوبه ایران ته ورځې چې دا له موافقتنامې نه څرګند تخلف دی. علاوه پردې دوی د واټرپمپ پواسطه هم زمونږ اوبه اخلی او په پای کې زمونږ نیمروز ولایت اوسېدونکي تل د اوبو له کمبود او حتی د څښاک اوبو له کمښت سره مخامخ کيږي.

    شاهین افغان

Leave a Reply

Your email address will not be published. Required fields are marked *