Categories

اعلان

Loading…

د افغانستان حکومت د بندونو په اړه د ایران د ولسمشر څرګندونې بې ځایه وبللې

تاند- د افغانستان حکومت په خپله خاوره کې د بندونو د جوړولو په اړه د ایران د ولسمشر حسن روحاني څرګندونې بې ځایه وبللې.

د ایران ولسمشر حسن روحاني د چاپیریال په اړه په یو لړ حرګندونو کې په زغرده د افغانستان په خاوره کې د بندونو له جوړېدو سره مخالفت وکړ، ویې ویل:«موږ د هغه څه په وړاندې چې زموږ د ژوند چاپېریال ویجاوړي بې تفاوته نه شو پاتې کېدای؛ په افغانستان کې د ګڼو بندونو جوړېدا، د افغانستان په شمال او جنوب کې د کجکي، کمال خان سلما او نورو بندونو جوړېدا زموږ پر خراسان او سیستان بلوچستان ولایتونو اغېز لري.»

د ولسمشر غني یوه ویاند نجیب ازاد نن /چهارشنبه/ ازادي راډیو ته وویل چې د افغانستان حکومت د اوبو د نړیوالو قوانینو مطابق حق لري چې له خپلو اوبو څخه د خپل ولس په ګټه کار واخلي.

تېره اوونۍ وسله والو یاغیانو د هرات ولایت په چیشت شریف ولسوالي کې پر سلما بند د حملې هڅه وکړه او په لړ کې یې لږترلږه ۱۰ پولیس شهیدان کړل.

که څه هم دولتي چارواکو وسله وال طالبان په حمله کې په لاس لرلو تورن کړل خو افغان طالبانو وویل چې دا برید دوی نه دی کړی.

ایران د اجیرو وسله والو په مټ په ځلونو د سلما، کمال خان او بخش اباد بندونو د جوړېدو د مخنیوي لپاره پر افغان انجینرانو، د بندونو پر ساتونکو او وسایلو بریدونه کړي دي.

ډېر ځلې د داسې بریدونو مسوولیت طالبانو په بې خبرۍ کې په غاړه اخیستی دی.

404 total views, 1 views today

3 comments

  1. Z.S. Reply

    Dagha di mozolman gawennddiyan!

  2. سلیم Reply

    دولت باید د اوبوبندونو او نورو لویو ملی پروژو د ساتنی لپاره یو ځانګړی ځواک جوړ کړی چی ښه روزنه ورکړای شی او په ټریننګ کی یی په بندو اولوزولو کی د لرغونو اشرارو(خصوصا د جنرال صاحب رحیم وردګ) له تجاربو هم ګټه واخیستل شی چی دوی کوم تکتیکونه کارول ترڅو چی داسی یو ځواک ورسره بلدتیا ولری او ښه ساتنه یې وکړای شی

  3. حسن Reply

    که فرضا افغان طالبان د داسې بريدونو مسوولیت په غاړه نه اخلي ، نو بیا دوی برأت نشي اخیستلی ، ځکه دوی په سیمه کې نفوذ لري . دوی مجبور اومکلف دي د ایراني او پاکستاني جاسوسانو په ځپلو ، نيولو کې له افغان دولت سره همکاري وکړي.
    د جنرال صیب رحیم وردګ ترڅنګ تورن اسمعیل خان هم د بندونو په ورانولو کې ډېره تجربه لري. دوی هم کولای شي خپلې تجربې د افغانستان له دولت سره شریکې کړي چې څنګه د پردیو له حملو نه خپل وطندوسته ، زړور پوځیان او پولیس وساتو؟

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2