Categories

اعلان

Loading…

له ۳۲ کاله تېښتې وروسته بندي بېرته ونیول شو

تاند- یو امریکايي بندي، چې ۳۲ کاله پخوا له محبس څخه تښتېدلی و، ونیول شو.

د راپورونو له مخې سټیون دیشمن د ۱۹۸۵ م کال په مې میاشت کې د ارکانساس له بنده وتښتېد. ده په محبس کې ۷ میاشتې تېرې کړې وې.

که ده د قید موده پوره کړې وای نو د ۱۹۸۷ کال په دسمبر کې به خوشي شوی وای.

اوس چې دیشمن ۶۰ کلن دی د ارکنساس په سپرینګدیل ښار کې نیول شوی دی.

د ارکنساس ایالت د محبسونو د ادارې چارواکي وايي چې ستیون دیشمن باید د قید پاتې موده په محبس کې تېره کړي.

دا هم ممکنه ده چې له محبس څخه د تېښتې په خاطر د ده د قید دوره نوره هم اوږده شي.

د ارکنساس ایالت له محبسونو څخه ۴ تنه نور هم تښتېدلي او امنیتي ځواکونه یې د موندلو په لټه کې دي.

71 total views, 1 views today

Leave a Reply

Your email address will not be published. Required fields are marked *