Categories

اعلان

Loading…

ای زویه اثر (د شاګرد پېژندنې او استاد پېژندنه) بهترینه بېلګه

ليکنه: پوهنیار سیداصغر هاشمي – 

حکیم الامت امام غزالي په ټولیز ډول د ټولې نړۍ او ځانګړي ډول د اسلامي نړۍ وتلی اسلامي او فلسفي عالم دی، د ده فکر او نظر د نن ورځې انسانانو لپاره د لارې مشال دی. ده زښت ډېر اثار لیکلي دي چې ځینې اثارو ته یې شهکار ویلای شو لکه د مثال به ډول احیا العلوم الدین، کیمیای سعادت او داسې نور.

ای زویه د امام غزالي هغه اثر دې چې خپل یو شاګرد ته یې لیکلی دی، په دې اثر کې یې خپل شاګرد ته بېلا بېلې لارښوونې کړي دي چې د زده کړې په وخت کې کوم عادتونه پیدا کړي، دا اثر د نن ورځې ټولو زده کوونکیو که هغه د مکتب وي او که د لیسانس، ماسټرۍ، ډاکټرۍ او یا په روزمره ژوند کې که څوک غواړي چې د استاد نه کوم کسب زده کړي نو دا اثر ورته ښې لارښوونې لري.

امام صاحب خپل شاګرد باندې تاکید کوي چې د ښوونې لپاره روزنه ډيره مهمه ده او یا د علم لپاره عمل ډیر مهم دی، په ټولیز ډول د لوړو زده کړو وزارت مشرتابه نه او په ځانګړي ډول د استادانو هیله کوم چې دا کتاب په هر محصل ولولي او دې ته یې متوجې کړي چې پرې عمل وکړي.

که چېرې دا کتاب متعلمین، محصلان او نورو برخو کې زده کړیلان ولولي نو زه یقین لرم چې زیات او کم توپير به یې په کړو وړو کې پیدا شي.

د کتاب بله برخه استادانو او لارښوونکیو ته ځانګړې شوې ده او استادان ځان پېژندلو ته متوجې کوي، لکه څرنګه چې ستونزې په شاګرانو کې شته دغه شان ستونزې په استادانو کې هم شته، چې امام غزالي خپل شاګراد ته د نصیحت په وخت کې د ښه استاد په ځانګړنو یې هم بحث کړی دی، کله چې دا کتاب ما ولوسته نو ډيرو نیمګړتیاوو ته مې متوجې شوم او کوښښ به وکړم چې د دې کتاب لارښوونې علمي کړم.

د دې کتاب د تدوین چارې په ښه شان سرته رسېدلي دي، تعلیقات، حاشیي، سریزه، د نسخو پرتلنه او ځینې نور مسایل پکې سم ځای ځای راوړل شوي دي.

کتاب درې برخې لري، لومړۍ برخه یې د امام غزالي پېژندنې ته ځانګړې شوې ده، دویمه برخه د احیا العلوم الدین نه د شاګردانو او استادانو د لارښوونې په اړه ځینې د کار خبرې لري او درېیمه برخه یې اصل رساله چې د امام صاحب په لاس لیکل شوې ده(ای زویه) ده.

په کتاب کې امام صاحب داسې لارښوونې کړي دي لکه یو پلار یې چې خپل زوی ته کوي نو ځکه یې خپل شاګرد(د زوی په نامه) مخاطب کړی دی، دا لارښوونې د ننیو کورنیو ډيرو ماشومانو ته هم مهمې دي.

انسان داسې یو موجود او هستي ده چې کله پيدا شي ټول بهرنی ساختمان یې د مور په رحم کې جوړ شوی وي، خو د انسان ذات او یا دننی جوړښت او روح په کتاب لوستلو او پرې عمل کولو باندې جوړیږي نو زما ټولو انسانانو ته توصیه ده چې بهرني جوړښت مو په کارخانه کې جوړ شو او که غواړۍ چې درون او روح مو جوړ شي نو کتابونه ولولی.

دا کتاب یو له هغو کتابونو ځینې دی چې انسان ته ښې لارښوونې لري او له ټولو دوستانو مې هیله ده چې دا اثر ولولي او عمل پرې وکړي.

405 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2