Categories

اعلان

Loading…

پاکستان وايي، د افغانستان د سولې لپاره له چین سره کار کوي

تاند- له تروریستي ډلو سره د پاکستان د ملاتړ په اړه سپینې ماڼۍ ته د پینتاګون د راپور له وړاندې کېدو وروسته پاکستان اعلان وکړ چې په افغانستان کې د سولې او ثبات د راوستلو لپاره له چین سره په ګډه کار کوي.

د پاکستان د بهرنیو چارو وزارت ویندوی نفیس زکریا نن /پنجشنبه/ په اسلام اباد کې خبریالانو ته وویل، د افغانستان د پخلاینې او سولې په بهیر کې د چین مخ په زیاتېدونکی رول د دغه جنګ ځپلي هیواد د سولې لپاره مهم دی.

ده په عین حال کې وویل چې پاکستان د امریکا له نوي حکومت سره همکارۍ ته له وړاندې لېوالتیا ښکاره کړې ده.

زکریا وویل چې د تروریزم پر ضد جګړه د پاکستان په خپله ګټه ده.

د پاکستان د بهرنیو چارو وزارت ویاند دا څرګندونې وروسته له هغه هراړخیز راپوره وکړې چې د امریکا دفاع وزارت د افغانستان د وضعیت په اړه سپینې ماڼۍ ته وړاندې کړ.

په دغه راپور کې، چې د افغانستان د حالاتو په اړه د ولسمشر ټرمپ ادارې ته لومړنی راپور بلل شوی دی، په زغرده ویل شوي چې پاکستان د خپلو حیاتی ملي ګټو په خاطر د افغاني تروریستي ډلو لکه طالبانو او حقاني شبکې کلک ملاتړ کوي.

د ټرمپ د ادارې چارواکي وايي، یو علت چې د افغانستان په اړه یې نوې ستراتیژي ځنډولې دا دی چې دا ستراتیژي یوازې د افغانستان لپاره نه بلکې د افغانستان د جګړې د بهرني عنصر یعني پاکستان لپاره هم ده.

ګومان کېږي چې په نوې ستراتیژۍ کې به پاکستان ترفشار لاندې راوستل شي.

310 total views, no views today

Leave a Reply

Your email address will not be published. Required fields are marked *

۸