Categories

اعلان

Loading…

د کابل پر الزهرا جومات په تروریستي برید کې لږترلږه ۶ تنه وژل شوي

تاند- د وروستي راپور له مخې، د کابل د لوېدیځ د دشت برچي سیمې د شیعه ګانو پر الزهرا جومات په تروریستی برید کې لږترلږه ۶ تنه وژل شوي او ۸ نور ژوبل شوي دي.

امنیتي چارواکو تایید کړه چې په دې برید کې دوو انتحاري حمله کوونکو برخه لرله.

لومړني حمله کوونکي د جومات په خوله کې ځان الوزولی، دوهم د جومات پخلنځي ته ننوتی او همالته یې ځان الوزولی دی.

پولیسو د جومات اصلي ودانۍ ته د دوهم انتحاري مخه نیولې ده.

د حملې په وخت په جومات کې ګڼ شمېر لمونځ کوونکي د لمانځه لپاره راټول شوي ول.

ویل شوي چې د لیلة القدر یا د قدر شپې لپاره نن شپه لا زیات خلک جومات ته راغلي ول.

شاهدان وايي چې له لومړۍ انتحاري بریده وروسته یې د ډزو اوازونه هم اورېدلي دي.

د کابل پر یوه جومات په انتحاري حمله کې لږترلږه ۳ تنه وژل شوي

تاند- په پلازمېنه کابل کې نن /پنجشنبه/ ناوخته پر یوه جومات په انتحاري حمله کې لږترلږه ۳ تنه وژل شوي او ۵ نور ژوبل شوي دي.

امنیتي چارواکي وايي، انتحاري هڅه کوله چې په دشت برچي کې یوه جومات ته ننوځي خو پولیسو یې مخه ونیوله، په دې مهال ځانمرګي ځان والوزاوه او ورسره په یو وخت وسله واله نښته پیل شوه.

د کورنیو چارو وزارت ویندوی نجیب دانش وویل، پولیسو حمله کوونکی پرې نښود چې د جومات اصلي ودانۍ ته ننوځي، ځانمرګی د جومات پخلنځي ته ننوت او همالته یې ځان والوزاوه.

په نورو راپورونو کې ویل شوي چې حمله کوونکي دوه تنه ول، لومړني د جومات په دروازه کې او دوهم د جومات په پخلنځي کې ځان الوزولی دی.

برید په داسې وخت کې وشو چې خلک په الزهرا جومات کې د لمانځه لپاره راټول شوي ول.

پر دغه جومات پخوا هم بمي برید شوی و.

د تېر کال په نوومبر میاشت کې پر دغه جومات د حملې په ترڅ کې ۳۰ تنه وژل شوي ول.

تراوسه پورې د افغانستان د دولت کومې وسله والې ترهګرې ډلې د دې برید مسوولیت په غاړه نه دی اخیستی خو پر شیعه ګانو عموماً د داعش سختدریځه دله برید کوي.

طالبان له تېرو ۱۶ کلونو راهیسې پر شیعه ګانو له بریده ډده کړې ده.

د سږ کال د روژې میاشت په ځانګړي ډول د کابل د ښاریانو لپاره تراوسه پورې په تېرو ۱۶ کلونو کې تر ټولو خونړۍ میاشت ده.

286 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2