Categories

اعلان

Loading…

د جمعیت ځوان قشر د تعصب، لادینۍ، ایتیزم، ملي یووالي او افغانستان ضد افکارو په منګولو کې

م. نهضتیار – 

د اسلام په مبارک دين کې تعصب ګناه ګڼل کیږی. څښتن تعالي په قرانکریم کې فرمایلي: مونږ تاسې ډلې او قبایل پیدا کړي یاست تر څو یو بل سره وپیژنئ خو په تاسو کې غوره هغه دی چې تقوی ولري. پیغمبر علیه السلام وايي هغه څوک چې تعصب کوي زمونږ له ډلې څخه نه دی. په ورته وخت کې د ارواپوهنیې له نظره تعصب  یوه رواني ناروغي ده. په افغانستان کې هم بې له شکه ډیر خلک په دې ناروغۍ اخته دي او ډیری دا متعصبین له بده مرغه د یو ځانګړي قوم، سمت، سیاسي جریان او ګوند پورې تړلي خلک دي.

جمعیت له پیله د ژبني تعصب پر بنیاد رامنځته شوی ګوند و چې آن د هجرت پر مهال یې غوڅ اکثریت کارکوونکي د یو قوم څخه وو او د نورو قومونو پر وړاندې به یې توپیري چال چلند کاوه. دا په دې مانا ده چې جمعیت له آره په مذهبي نه بلکه په قومي بنسټ جوړ شوی ګوند دی. سره له دې چې برهان الدین رباني د مصر ا الازهر پوهنتون فارغ و او ځان یې په افغانستان کې د اخوان المسلمین د بنسټګرو څخه ګاڼه خو د نورو قومونو او ژپو پر وړاندې یې تبعیض څرګند او هر چاته معلوم و.

په کابل کې د واک په ګدۍ له ناستې سره سم یې ملي سرود چې تل به په پښتو ژبه و په دري باندې واړاوه، د ده د حکومت پر مهال په کابل کې په ټولو وزارتونو او ادارو کې په ځانګړي ډول د پښتتو سره توپیري او له سپکاوي ډک چلند پیل شو او د طالبانو د راتګ سره یې د پښتنو ضد او تعصبي افکارو لا زور واخیست. ان احمدشاه مسعود چې د جمعیت د ډلې مشهور قوماندان و خپلو پلویانو ته يه یوه ویډیو کې پښتانه غیر متمدن او له غرونو راښکته شوي خلک ګڼلي. دا او داسې نورې ډیرې بیلګې په دې مانا دي چې دا تنظیم په نوم یو اسلامي تنظیم دی او اصلي دنده یې په هیواد کې تعصب ته لمن وهل دی. د ۱۳۷۱ کال راهیسې د دې تنظیم سره ډیری ستمي  او د پرچم د ډلې متعصبین یو ځای شول او اوس ځان د جمعیت غړي ګڼي. دوی د قدرت او مقام د لاسته راوړو لپاره له هر ارزښته تیر خلک دي او د خپلو ګټو د تأمین لپاره هر کار کوي.

د طالبانو د سقوط څخه ورسته د جمعیت نوی قشر د تعصب په ناوړه ناروغۍ لا زیات ککړ شو او دا تعصب یې لا ډیر افراطي او له تشدده ډک شو، دوی نه یواځې تعصب لري بلکه دیني او ملي ارزښتونو ته هم تل سپکاوی کوي، د پخوانیو پرچمي چارواکو نوی نسل چې اوس ځان د جمعیت اسلامي پورې تړلی ګڼی په دې کې ډیر مخکښ دی، د سقاو د زوی د تش تابوت د خښولو اصلي طراحان هغه ځوانان دي چې دیني او ملي ارزښتونه هیڅ نه پیژني او غواړي نور هیوادوال ناسم لورې ته سوق کړي. دوی د خپلو تعصبي کړنو او جریاناتو په ترڅ کې ټول انساني او اسلامي ارزښتونه د پښو لاندې کوي او دا کار په ډیره بې شرمۍ ا وسپین سترګۍ کوي.  د حزب اسلامي سره د سولې په پروسه کې تر ټولو منفي افکار د جمعیت همدا نوی نسل خپروي، چې په ټولنیزو رسنیو کې خبره آن تر کنځلو او سپکو سپورو رسیدلې ده، تر ټولو بده یې لا دا ده چې دا کنځلې کوونکي په لوړو دولتي څوکیو او یا انکشافي پروژو کې په کار هم بوخت دي او بې له کومې ویرې دا کار کوي.

که جمعیت دې اصل ته پاملرنه ونکړي نو لرې نه ده چې د دې تنظیم لخوا به هم ملي او هم دیني ارزښتونه لا زیات د پښو لاندې شي او مسؤلیت به یې بیا د جمعیت د هغو مشرانو په غاړه وي چې د قدرت او پیسو په نشه کې ترې دا هر څه هیر شوي دي او په اګاهانه یا نا اګاهانه ډول په دې ناوړه کړنو کې ښکیل دي.

292 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2