Categories

اعلان

Loading…

د تهران په حملو کې ۱۲ تنه مړه او ۴۲ ژوبل شوي دي

د تهران ایمرجنسي اعلان وکړ چې د تهران په دواړو حملو کې ۱۲ تنه وژل شوي او ۴۲ نور ژوبل دي.

د ایران رسمي رسنۍ وايي چې په پارلمان او د خمیني پر مقبره د وسله والو حملې پای ته رسېدلي دي.

د ایران تسنیم خبري اژانس په روغتونو کې د وژل شویو او ټپیانو لیست خپور کړی دی.

په دغه لیست کې د ۴۹ تنو نومونه شامل دي.

دغه اژانس په دقیق ډول نه دي ویلي چې په دغه لیست کط څومره کسان وژل شوي او څومره نور ټپیان دي.

داعش د دې برید مسوولیت په غاړه اخیستی دی.

وسله والو کسانو د ایران پر پارلمان او د خمیني پر مقبره برید کړی

تاند- ایراني رسنۍ وايي چې د دغه هیواد پر پارلمان او د خمیني پر مقبرې هممهاله بریدونه شوي دي چې لا هم روان دي.

د ایران رسمي خبري اژانسونه وايي چې حمله کوونکو یو شمېر کسان (چارواکي) یرغمل کړي دي.

په پارلمان کې په داسې حال کې حمله وشوه چې دې جرګې نن /چهارشنبه/ علني غونډه لرله.

وسله وال حمله کوونکی له وسلې سره

د ایران سپاه پاسداران وايي چې د یرغملو د خلاصون خاص ځواک یې د خمیني په مقبره کې دوه تنه حمله کوونکي وژلي دي.

تراوسه پورې د حمله کوونکو د هویت او شمېر په اړه څه نه دي ویل شوي خو ایراني رسنۍ یې تروریستان بولي.

سپاه پاسداران ادعا کوي چې په پارلمان کې یې له ۴ تروریستانو څخه یو تن وژلی دی خو یو د پارلمان یو شمېر غړی یرغمل شوي دي.

ایراني رسنۍ وايي چې په پارلمان کې ۸ تنه وژل شوي او ۴ تنه د پارلمان په پاسنیو منزلونو کې یرغمل شوي دي.

د پارلمان په پنځم پوړ کې چاودنه وشوه.

د ایران تلویزیون وايي، د خمیني په مقبره کې لږترلږه ۴ تنه ژوبل شوي دي.

دوی په دې اړه څه نه دي ویلي چې وژل شوي کسان د پارلمان غړي دي اوکه مامورین.

په پارلمان او د خمیني په مقبره کې ډزې لا هم روانې دي.

12 total views, 1 views today

1 comment

  1. سلیم Reply

    اور دشیطان کور ته ورسید. شیطان به یی غچ په افغانستان د خپلو جاسوسانو په لاس له افغانانو اخلی، د شویه او سنی محاذ به هم پرانیزی- وطنه ستا د وجود اورونه ستا پر دښمن پوری شه

Leave a Reply

Your email address will not be published. Required fields are marked *