Categories

اعلان

Loading…

د کابل مرګانۍ چاودنه/ عبدالباري جهاني

 د چارشنبې په ورځ سهاروختي د کابل په وزیر اکبرخان مېنه کي د موټربمب د مرګانۍ چاودني له امله، د وروستیو رپوټونو په اساس څه کم سل تنه وژل سوي او څه باندي درې سوه پنځوس تنه ټپیان سوي دي. لکه پخوا چي مو ویلي دي، دا نه لومړنۍ او نه وروستنۍ لويه پېښه ده. دا غم لړلې لړۍ به د سولي تر ټینګېدلو پوري دوام لري. موږ به د خلکو د احساساتو د راپارولو لپاره څونه شعرونه ولیکو؟ د خلکو د سترګو د خلاصولو لپاره به څونه مضامین ولیکو؟ څونه مرکې به وکړو؟ او څونه به پاکستان او د افغانستان د سولي او ثبات بهرنیو دښمنانو ته ګوته ونیسو؟

بدمرغي په دې کي ده چي زموږ اولس، او په تېره بیا منورین، چي ټول تاریخي مسولیت ور په غاړه دی، یوازي د کابل د وزیراکبرخان مېني، د شاهین قول اُردو، د شهید داوود خان د روغتون او دغه راز نورو لویو پېښو په ګړز، له درانه خوبه، را ویښېږي او په هغه ګړي د راډیوګانو، ټلوېزیونو، ورځپاڼو او فیسبوکونو خواته مخه کړي. ټول د خپلو زړونو بړاس وباسي او سبا ته هر څه داسي هېر وي لکه چي هیڅ نه وي پېښ سوي. حکومت هم په دغه راز لویو پېښو کي فعال سي. اولس مشر د غم جامې واغوندي، په روغتونونو ګرځي او امنیتي ادارو او حکومتي چارواکو ته د پېښي په باب د سمدستي تحقیقاتو امر وکړي. خو د اولس مشر په شمول، حکومتي چارواکي ، چي د ټولو دغه راز غم لړلو پېښو مستقیم مسولیت ور په غاړه دی او حتی ښايي پخپله لاس پکښي ولري، خپل اولس او منورین ښه پېژندلي دي. چي اولس او منورین کرار سي دوی هم کرار سي. د پرون او یوې بلي تېري ورځي په څېر په خپلو دسیسو او د ناروا پیسو د ترلاسه کولواو قراردادونو په کاروبار لګیا سي او بیا د بلي لويي غم لړلي پېښي په انتظار کښېني.

د کابل د وزیر اکبر خان مېني غم لړلي پېښي ځکه د امریکا په ټلوېزیونو کي انعکاس وکړ چي یو خو د تلفاتو شمېر ډېر زیات وو او بل دا چي د سفارتونو په سیمه کي منځته راغله. زموږ منورینو هم ځکه غوغا جوړه کړه چي هم پېښه په کابل کي وسوه او هم د شهیدانو او ټپیانو شمېر زیات وو. که د افغانستان په بېلو بېلو لیري پرتو سیمو کي د هري ورځي نښتو او دغه راز ټروریسټي او وحشیانه حملو په اثر د تلفاتو شمېر ته وګورو نو ښايي کله کله د یوې ورځي د ټولو پېښو له امله د تلفاتو شمېر د اکبر خان مېني د غم لړلي پېښي تر تلفاتو زیات وي. زموږ بې وسه اولسونه هره ورځ د خپلو زلمیانو جنازې ښخوي او هره ورځ ملي ماتم دی. د دې ملي ماتم او پر بې دفاع او بې څښتنه افغانستان باندي د غم د ورځو د دایمي کېدلو مسولیت نه د پاکستان او نورو بهرنیو هیوادونو پر غاړه دی او نه د هغوی په غندلو څه لاسته راځی او نه د طالبانو او داعشیانو په غاړه دی. دا مسولیت مستقیما د ارګ او غیر قانوي نظام د ټولو نظامي او امنیتي چارواکو په غاړه دی. که دوی د سولي اراده ولري سوله راتللای سي. که دوی سوله غوښتلای نو د سولي، د تش په نامه، عالي شورا ریاست یې ربانیانو او په وروسته کي بې واکه سید احمدګیلاني ته نه سپاره. او اوس خو لا داسي آوازه ده چي د سولي د شورا ریاست، د افغانستان د بدمرغیو او داخلي جنګونو لوی عامل، ګلبدین حکمتیار ته سپاري. په اصطلاح ښه به یې شل کړي!

دا غیرقانوني او د پردیو په لاس جوړ سوی نظام  او بهرني ځواکونه د غیرقانوني مخدره موادو څخه نیولې، د کانونو تر ناروا او غیرقانوني را ایستلو او ټول اداري فساد پوري په هر څه کي سره شریکان دي. هغوی سوله نه غواړي. که په هیواد کي سوله ټینګه سي او قانوني او د خلکو د ارادې په اساس نظام جوړ سي دا اوسني چارواکي او له لوټمارانو، قاتلانو، د پردیو مزدورانو او فسادیانو څخه جوړ نظام به په هغه ورځ محاکمې ته وسپاري. زه به دوې ورځي وروسته خپله یوه ترخه او نه هېرېدونکي خاطره درته خپره کړم او تاسي به وګوری چي دا حکومت او پارلمان څرنګه او له کومو کسانو څخه جوړ دي.

که د دې غم لړلو پېښو د دوام عامل اوسنی غیرقانوني نظام دی نو یو لوی مسولیت یې زموږ د هیواد منورینو ته، چي د علاج لاره یې پیداکولای سي، متوجه دی. پښتانه منورین باید لومړی د هغو کسانو خولې ماتي کړي چي دوی پر غلجیو او درانیو او مشرقي او جنوبي باندي وېشي. وروسته باید پښتانه منورین ټولو تاجکو، اوزبیکو او هزاره وروڼو ته د ورورۍ لاسونه ورکړي. د کابل د وزیر اکبر خان او شاهین قول اردو په غم لړلو پېښو کي د هر توکم او قوم بچیان شهیدان سوي دي. ټروریستان او زموږ د خاوري دښمنان د پښتنو او تاجکو توپیرنه کوي. هغوی زموږ ګډ دښمنان دي او د ګډ دښمن په مقابل کي په ګډه مبارزه په کار ده. که د نن په څېر څه باندي سل ګوندونه ولرو او د اوسني فاسد او غیر قانوني نظام په مقابل کي یوه متحده چیغه پورته نه کړو دا غم لړلي پېښي به تر قیامته پوري دوام ولري. زه په بشپړ یقین درته ویلای سم چي ستاسي د دغه متحد حرکت او چیغي لومړنی دښمن به اوسنی غیر قانوني نظام وي او ستاسي د پاشلو او ځپلو لپاره به له هري وسیلې او دسیسې څخه کار واخلي.

زه له پلورل سویو کسانو پرته، داسي منورین نه پېژنم چي د ملي یووالي ږغ یې نه وي پورته کړی او دا یې د ټولو رنځونو علاج نه وي بللی. نو بیا ولي ملي یووالی نه راځي؟ دا ځکه چي ملي یووالی عمل ته ضرورت لري او عملي اقدام چا نه دی کړی. ما څه موده مخکي پېشنهاد کړی وو چي له فیسبوک څخه د یوه لوی نعمت په حیث مثبته استفاده وکړی. د ملي یووالي لپاره یوه کړکۍ پرانیزی او یوازي د همدغه ارمان لپاره مضامین او شعرونه پکښي خپاره کړی. په داخل او خارج کي وړې او لويي غونډي وکړی او هلته هم یوازي پر دغي موضوع باندي بخثونه پکښي وکړی. له بهرنیو او داخلي پوهانو څخه د ملي وحدت لپاره پروګرامونه وغواړی. شپږ میاشتي یا یو کال وروسته یوه عمومي غونډه یا کانګریس را وغواړی. د مثال په توګه، د افغانستان د نجات ملي نهضت( انجمن) تر بیرغ لاندي را ټول سی. یو مشر او مشران وټاکی. په راتلونکو انتخاباتو کي برخه واخلی او د دې غیر قانوني او قاتلانو او لوټمارانو څخه جوړ نظام پر ځای یو ريښتونی افغاني نظام ودروی. زه د یوه خواخوږي سپین ږیري په حیث درته وایم چي که مو ریشتیا پر خپلو بېګناه او مظلومو اولسونو زړه خوږېږي نو دا یې لاره ده او دا نېک عمل باید یا نن پیل کړی او یا د پیل کولو په باره کي غور وکړي. د ارګ او فسادیانو په تشو غندلو زموږ لاسته ځکه څه نه راځي چي ارګ پخپله په ټولو پېښو کي لتاړ دی.

آشیان من بیچاره اګر سوخت چه باک

فکر ویران شدن خانه صیاد کنید

جور و بیداد کند عمر جوانان کوتاه

ای بزرګان وطن بهر خدا داد کنید.

307 total views, 1 views today

2 comments

  1. saber Reply

    جهانی صاحب احساسات دي قابل قدر دي اما له واقعیتونو سره سمون نه خوري. ملا عمر، منصور او دا بل ملا بې له شکه وحشیان، دي او له وحشیانو سره سوله مشکله ده. که دوی وحشیان نه وای نو تاسې به له خپلې کورنۍ سره نن په کندهار کې ناست وې، نه په امریکا کې.

  2. لوګۍ Reply

    ښاغلي جهاني تاسو خپله پاکى زړه سواندى او خواخوږى افغان اولس ته څو څو ځله په اسبات رسولى آن هغه وخت چه تاسو وجدانن له دى مافيايي حکومت سره ورسته له ديرى حو صيلى ګډ کار ته د پاى ټکى کيښود او په خپلو ليکنو کى مو دا فاسد رژيم رسوا کوو
    اوس هيڅ منور افغان چه په هر ځاى کى ده او نوکى انسانى حس لرى هرو مرو بايد دا خپل وجدانى مسوليت ادا کړى
    هغه افغانان چه په اروپا کى اوسى زر تر زره بايد يو سرا سرى افغانى چه د ګوند جوړ کړى ځکه په اروپاکى اوسيدونکىافغامان نه يواخي چه ډير دى او دا اقتثصادى توان لرى همدا شان د مرکزيت له ښه والى د نورى نړى له افغانانو سره د اوګانزيشن په هکله اړيکى اسانه ساتلي سي
    زه په دى باورى يم دا مسوليت په غاړه اخستى شو بى له دى چه خپل کار او بزنس ته شاه کړو دد مظلوم اولس پر موږ خدايي او وجدانى حق دي
    ښاغلي جهانى په اميد دد چه دا ستاسو اپيل د افغانان منورينو وجدان ولړزوى

Leave a Reply to saber Cancel reply

Your email address will not be published. Required fields are marked *

۸

د خپلواکۍ 100 کالیزه Independence

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

 تر استقلال وروسته په افغانستان کې اقتصادي او عمرانی چارې…

د افغانستان د خپلواکۍ د ترلاسه کولو د سلمې کلیزې په مناسبت: پوهاند محمد بشیر دودیال مقدمه خپلواکي  یواځې د هغې د معنوی…

 تر استقلال وروسته په افغانستان کې اقتصادي او عمرانی چارې او ریفورمونه

21 Jul 2019 خپلواکي کالمونه مقالې تاند Comments (1)

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

پاچا امان اله، د دوه ښکېلاکګرو هېوادونو په مينځ کې

ستادشهسوارسنګروال برېتانیا له یوې خوا پدې پوهېده چې اوس یې به نورو ستونزو او وسوسو سربېره په سیمه کې افغانستان ته…

پاچا امان اله، د دوه ښکېلاکګرو هېوادونو په مينځ کې

15 Aug 2019 خپلواکي مقالې تاند Comments (1)

نور

په افغانستان کې له خپلواکۍ وروسته اداري ریفورمونه او نور…

پوهاند محمدبشیر دودیال سریزه    په ۱۹۱۹م. کال کې  افغانستان د  امان الله خان تر مشرۍ لاندې، د افغانستان د زړور ملت په…

په افغانستان کې له خپلواکۍ وروسته اداري ریفورمونه او نور مترقي پروګرامونه

16 Jul 2019 ټولنیز علوم خپلواکي کالمونه تاند No comments

نور

حکومت د بیګاني خونړي برید له کبله د خپلواکۍ د…

تاند، یکشنبه، د اسد ۲۷مه: تاند ته د ارګ یوې مؤثقې سرچینې د ورکړیو معلوماتو په اساس د کابل شهر…

حکومت د بیګاني خونړي برید له کبله د خپلواکۍ د سلمې کلیزې جشن وځنډاوه

18 Aug 2019 خبرونه خپلواکي م. عاصم خوږیاڼی No comments

نور

حکومت د خپلواکۍ سلمه کلیزه په ۳۸۴ میلیون افغانیو نمانځي

تاند نیوز ډیسک: افغان حکومت مالیې وزارت ته امر کړی چې د خپلواکۍ د بیا ګټلو سلمې کلیزې نمانځنې لپاره…

حکومت د خپلواکۍ سلمه کلیزه په ۳۸۴ میلیون افغانیو نمانځي

24 Jun 2019 خبرونه خپلواکي م. عاصم خوږیاڼی Comments (2)

نور

خپلواکي او ازادي (Independence and Freedom)

 اسدالله نورزی     هر کال چې د خپلواکۍ د لمانځلو ورځ رانږدې شي نو په ځوانانو کې په پراخه توګه بحثونه…

خپلواکي او ازادي (Independence and Freedom)

19 Aug 2018 خپلواکي مقالې تاند No comments

نور

خپلواکي او ترشا یې لوی مکتب | سیف بېژن

شاه امان الله له هغې ورځې چې د افغانستان خپلواکي یې له انګلېس څخه د سختو جګړو او مبارزو وروسته…

خپلواکي او ترشا یې لوی مکتب | سیف بېژن

19 Aug 2017 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور
  • 1
  • 2