Categories

اعلان

Loading…

وروستۍ دری پېښې، د یوه انځور دری ټوټې/ مجید قرار

پر فیس بوک دری ورځې پرلپسې درې موضوع ګانې بدلې شوې. غواړم یو څو کرښې بحث پر دې وکړم چې دا دریواړه څنګه یو له بله تړلي دي او څنګه د یوه انځور دری علیحده برخې جوړوي.

لومړۍ موضوع د کرکټ د لوبو او له پاکستان سره د افغانستان د کرکټ بورډ معاشقه وه. دا په حقیقت کې له ټولې معضلې سره د چارواکو د بې تفاوته، ساړه، بې عاطفې او خشک سیاسي چلند داستان دی چې دا یې یواځې یو مثال دی. دا چې زموږ د چارواکو کورونه په اسلام آباد کې وي، دا چې هغوی په پاکستاني شرکتونو کې سهمونه لري، دا چې د کرکټ ټیم مو ټول په پاکستان کې پنډ دی، دا چې موږ د پاکستان په اړه د دښمنۍ ادبیات نه کاروو، دا ټول له دښمن سره زموږ د نظام د مسامحه کارانه چلند، د کرښو د نه وضاحت، د دښمن او دوست په توپیر کې د حکومت لخوا په لوی لاس ابهام او تتوالی رامنځته کول او د چارواکو دوه مذهبي ښیي چې دې رنګ تګلارې هم پاکستان ته په نړیواله کچه د اعتبار جوړولو موقع ورکړی، هم یې په افغانستان کې دننه له خلکو څخه د دوست او دښمن تعریف غلط کړی او هم د پاکستان حکومت د افغانستان د ادارې د نرم چلند له امله د دې ځای داخلي چینلونو څخه د خپلو ترهګریزو او سیاسي اهدافو لپاره کار اخیستی دی. د دې لومړۍ حادثې لنډیز دا دی چې موږ د دښمن په تعریف کې پاتې راغلي یو.

دوهمه موضوع د حضرت علي د زوی لخوا د ملي اردو د سرتېرو د توهین سپېتانه وه چې دا رنګ پېښې په حکومتي دستګاه کې دننه د شفافیت او قانونواکۍ له نشتون څخه سرچینه اخلي. خدای خبر د حضرت علي د زوی په څېر څومره لنډه غر هره ورځ په بې پلېټه موټرو، د تورو ښیښو په موټرو او زرهې موټرو کې څومره ترهګر او څومره باروت او نشه یي توکي یوه او بل ځای ته انتقالوي او څومره امنیتي کارکوونکي په دې رنګ پټکو او ګواښونو له حقیقت ویلو څخه منع کوي او غلي ساتي. د لنډه غرو او ترهګر رابط د هېواد امنیت ته جدي ګواښ دی چې باید له هره اړخه مفصل بحث پر ېوشي. د دې دوهمې ستونزې لنډیز دا دی چې موږ له دننه څخه تهدید یو.

درېیمه موضوع د کابل نننی ترهګریز برید دی چې د تېرو دوو خطاګانو پایله ده. د دې دریو پېښو منطقي تسلسل باید موږ تاسې ته ډېر څه را زده کړي. د دې پېښو پرلپسې والی دا ښیي چې زموږ ټولې مسألې یو له بل سره تړلي دي. موږ چې کله شننه او یادونه کوو، باید د یوې حادثې پر ځای پر پروسې وغږېږو، او مکمل انځور ترسیم کړو چې له منطقي تسلسل څخه منطقي پایله هم واخیستلای شئ. همدې ته ستراتیژیک لید وایي چې زموږ نظام ورڅخه بې برخې دی. د درېیمې حادثې د تحلیل لنډیز دا دی چې موږ باید د مسألې د حل لپاره په هممهالې توګه د جګړې پر ټولو ابعادو بحثونه وکړو. هم د دښمن په تعریف، هم د فساد پر مخنیوي، هم د دښمن پر ضد په قاطعیت او د جګړې په ګټلو تمرکز.

760 total views, 1 views today

1 comment

  1. Dr.Atal Reply

    فی الحقیقت زموږ اساسی او اهم عامل د تباهیو،تنفر او انحطاط، فساد ،بیعدالتی او مفسدو عناصرو ته د ملت امانات ورسپارل دی ځکه فاسد حاکم د فساد د تولید فابریکه ده او رسول الله صلی الله علیه وسلم د مبارکو ملغلرو مفهوم داسی ارشاد فرمایی چی که په ټولنه یایو ملت کی دوی طبقی خلک فاسد شی د ټولو خلکو د افساد زمینه مساعده کیږی او هغه دوی طبقی امرا ء او علما بلل شوی او هم فساد العالم ،فساد العالم بلل شوی ځکه ویښ علما د ورثة الانبیاء موقف ګټی شی نه نسواری خماریان یا حمال د کتابونو چی قرآنکریم ورته ( کمثل الحمار یحمل اسفارا) ژبه او مثال پکار وړی دی.
    د ټولنی ویښتوب د امرا او علما د ویښتوب سره مستقیم او نه شلیدونکی ارتباط لری یا ایها المؤمنون!.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2