Categories

اعلان

Loading…

شپاړسمه مڼې ګل مشاعره/ ګل آغا احمدي وردګ

د مڼې ګل دودیزه کلنۍ مشاعره چې بنسټ یې د لومړي ځل لپاره په ۱۳۷۸ هجري لمریزکال د وردګ ولایت د چک په ولسوالي کې اېښودل شوی، هر کال د پسرلي په موسم کې د سیمې او هېواد د ګڼ شمېر مینه والو، شاعرانو او لیکوالانو په حضور کې جوړېږي. د مڼې ګل شپاړسمه مشاعره د ۱۳۹۶ هجري لمریز کال د ثور د میاشتې په ۲۸ مه چې د ۲۰۱۷ زېږدیز کال د مې د میاشتې له ۱۸ مې  نیټې سره برابره ده، د ولایت په مرکز میدانښار کې د سلګونو مینه والو، شاعرانو، لیکوالانو، ولایتي چارواکو د ملي او ولایتي شوراګانو د ځینو استازو او مېلمنو  په ګډون جوړه او پيل یې د قرآن کریم په تلاوت او ملي سرود سره و شو. د اطلاعاتو او فرهنګ رییس ښاغلي اورنګ مختار د غونډې په پيل کې مېلمنو ته ښه راغلاست ووایه او د اطلاعاتو او فرهنګ د وزارت د سرپرست ښاغلي رسول باوري پیغام یې و لوست. ورپسې  د وردګ ولایت مقام ښاغلي انجنیر ځونډي ګل زماني، د ولایتي شورا مشر ښاغلي اخترمحمد طاهري او د مدني ټولنې استازي ښاغلي انجنیر دقیق ویناوې وکړې. تر ویناوو وروسته د وردګو، میدان او د هېواد د بېلو بېلو سیمو څخه ګڼ شمېر شاعرانو د خپلو غزلو او شعري کلام په وړاندې کولو سره مشاعرې ته هنري ښکلا ور و بخښله او خپل غزلونه یې و لوستل. شاعرانو پخپلو شعرونو کې سوله، مینه، محبت، ورورګلوي، ټولنیز پرمختګ او پوهنیز بنسټونه و ستایل او د هنر په ژبه یې په چارواکو یو لړ سالمې نیوکې وکړي چې د مجلس د ګډونوالو له خوا د خوښۍ په تودو چکچکو او نارو سره بدرګه کېدل. د مڼې ګل شپاړسمه مشاعره د یو شمېر ډالیو او تقدیرپاڼو تر وېشلو وروسته په دعاییې او غرمنۍ سره د آرامۍ په فضا کې پای ته ورسېده.

د وزارت د مقام پیغام

د مڼې ګل د شپاړسمې مشاعرې د ویناوو د برخې په پيل کې د اطلاعاتو او فرهنګ رییس ښاغلي اورنګ مختار د افغانستان د اطلاعاتو او فرهنګ د وزارت د سرپرست ښاغلي پوهاند رسول باوري پیغام و لوست. د اطلاعاتو او فرهنګ د وزارت د مقام په پیغام کې د مڼې ګل د کلنۍ مشاعرې د جوړولو ارزښت ته اشاره شوې وه چې په دې وروستیو کلونو کې د ولایت په مرکز میدانښار کې جوړېږي. همدارنګه  په پيغام کې د هېواد له شاعرانو، لیکوالانو، او ادیبانو څخه غوښتل شوي وو څو په خپل شعري او نثري کلام کې داسې څه ولس ته وړاندې کړي چې د ټولنې د ستونزو او ناوړه دودونو په منځه وړلو کې ګټور ثابت شي او د هېوادوالو لپاره مثبت انعکاس له ځان سره و لري. ښاغلي مختار د خپلو خبرو په ترځ کې د مڼې ګل د مشاعرې د بنسټ اېښودونکو له ډلې څخه د ښاغلي مصطفی حماس نوم یاد کړ او له نوموړي څخه یې مننه وکړه چې په سختو شرایطو کې یې له خپلو ملګرو سره یو ځای د مڼې ګل د مشاعرې بنسټ د چک په ولسوالي کې کېښود. باید وویل شي چې ښاغلی حماس د مڼې ګل د شپاړسمې مشاعرې په محفل کې حاضر وو او د همدې مشاعرې له موسسینو څخه ګڼل کېږي.

د ولایت د مقام وینا

د ولایت مقام ښاغلي انجنیر ځونډي ګل زماني په خپله وینا کې وویل: مشاعرې، فرهنګي او ادبي غونډې د ډېر ارزښت وړ دي، او شاعر او لیکوال په هره انساني ټولنه کې خورا مهم رول ادا کوي. شاعر او یا لیکوال کولای شي د ټولنې ناخوالو او ستونزو ته د خپل شعري یا نثري کلام په ژبه په ښه توګه  انعکاس ورکړي او د ټولنیزو ستونزو په حل کې ګټور واقع شي. د ولایت مقام وویل چې ټولنیزو ستونزو ته د شعر په ژبه انعکاس ورکول ستر تاثیر او لویه اغیزه لري او حل ته یې د چارواکو پاملرنه جلبوي.  له بلې خوا شاعران کولای شي چې ولس ته د سولې، پرمختګ او هېواد جوړولو ذهنیت ورکړي او مسئولین د شعر په ژبه خپلو مسئولیتونو ته متوجه کړي. نوموړي همدارنګه د مڼو په هکله هم خبرې وکړې چې د دې ولایت عمده حاصلات ګڼل کېږي او د هېواد په کچه یې ښه شهرت موندلی دی.

د مشاعرې برخه

له ویناوو وروسته د مشاعرې برخه د ښاغلي ګل رحمان رحماني په غزل سره پيل شوه او له ښاغلي رحماني څخه وروسته لومړی مشرانو شاعرانو او بیا د سیمې او هېواد د بېلابېلو ولایتونو څخه راغلیو شاعرانو خپل شعرونه، غزلې او نظمونه د ګډونوالو په مخکې و لوستل چې زیاتره یې د سولې، پوهنې، مینې، ښکلا او د زده کړې خواته د ځوان نسل د هڅونې مفاهیم له ځان سره درلودل. د یادونې وړ ده چې د ښاغلي مطیع الله تراب او د میدان د ولسي شاعر ښاغلي دیندار شعرونه د اورېدونکو له خوا په زیاته پیمانه بدرګه شول.

د ویندويۍ چارې

د شپاړسمې مڼې ګل د مشاعرې ویندویان آغلې محموده تقوی، ښاغلی نجیب الله فکرمن او ښاغلی محب الله شریفزی وو چې د مشاعرې نظم یې تر ډېره حده په ښه توګه ساتلی وو او د شاعرانو د معرفي او سټېج ته د راغوښتلو سره سره یې  دغه رنګین محفل ته د خوږو څلوریزو او بیتونو ډالۍ وړاندې کولې.

د غزل شپه

د شپاړسمې مڼې ګل د مشاعرې له جوړېدو څخه د مخه د ولایت په مرکز میدان ښار کې د غزل شپه جوړه شوې وه چې د هېواد له ګوټ ګوټ څخه راغلیو مېلمنو د هغه په ترځ کې د غزلو محفل تود کړی وو او ګڼې غزلې پکې وویل شوې.

خبري پوښښ

د مڼې ګل د شپاړسمې مشاعرې د خبري پوښښ لپاره په وردګ ولایت کې په فعالو رسنیو سربېره له کابل څخه هم یو شمېر خبري رسنۍ او تلوېزیوني چینلونه محفل ته ورغلي وو څو مشاعره ثبت او په مناسب وخت کې یې بهیر مینه والو ته خپور کړي. همدارنګه د دې مشاعرې بهیر د پيغله او ژوند راډیوګانو له لارې په ژوندۍ بڼه خپرېده او د غزل د لوستلو پر مهال به یې نرمه موسیقي هم خپروله. په پام کې ده چې  د مڼې ګل د شپاړسمې مشاعرې غزلونه، پيغامونه، ویناوې او نور اړوند معلومات په کتابي بڼه چاپ او د مینه والو د مطالعې وړ و ګرځي.

ستاینلیکونه

د کابل ادبي بنډار مشرتابه د مڼې ګل د شپاړسمې مشاعرې په ترځ کې د ولایت ویاند ښاغلي عبدالرحمن منګل او د اطلاعاتو او فرهنګ رییس ښاغلی اورنګ مختار په ستاینلیکونو و نازول ځکه چې یادو ښاغلیو زموږ په ۱۳۹۵ کال کې د ولایت د ځوانانو په تشویق، د سالم فکر په ترویج او مثبتو خبرونو ته په پوښښ ورکولو کې لویه ونډه ادا کړې ده او لا هم خپلو هڅو ته دوام ورکوي.

مشاعرې ته د احمدي ډالۍ

زه په دښتو کې رپېږم، زه په غرونو کې رپېږم

زه د سترګو په لېمو کې، زه په زړونوکې رپېږم

ما په بڼ کې نخره کړې، د ګودر تر څنګ ولاړ یم

زه د کلیو په سر خوځم، په ښارونو کې رپېږم

زه په سر د بریالیو د بریا رنګونه شیندم

زه په مستو اتڼونو،  په ډولونو کې رپېږم

زه له لمره رڼا اخلم، زه پروا د تورتم نه کړم

زه له ګل سره لوبېږم، ګلابونو کې رپېږم

ما د لوبو ډګر وړی په درې رنګه خنداګانو

زه په تورو، سرو، زرغونو، ډګرونو کې رپېږم

احمدي لاس کې مې نیسه ته اتل شوې د سیالیو

زه د سولې د لیکوالو په لاسونو کې رپېږم

361 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور
  • 1
  • 2