Categories

اعلان

Loading…

د کاپیسا چارواکي د لسګونو وسله والو مخالفانو د مرګ ژوبلې ادعا کوي

خبریال: کانیشکا- په کاپیسا کې چارواکي وايي، افغان امنیتي ځواکونو په تېرو دوه ورځو کې په تګاب ولسوالي کې ۵۷ وسله والو مخالفانو ته مرګ ژوبله اړولې ده.

د کاپیسا د امنیه قومندانۍ چارواکي وايي، په دغو عملیاتو کې، چې د تګاب په جنوب کې روان دي، ځانګړي ځواکونه، ه سیمیزو پولیسوه او د سیمې پاڅونکوونکي برخه لري.

د کاپیسا د امنیه قومندانۍ ویاند محمد ایوب یوسفزی وايي، د تګاب د شمشاد په سیمه کې د امنیتي ځواکونو  او وسله والو ترمنځ په نښته کې د دولت د مخالفانو  د ولسوال په ګډون ۳۲ تنه ټپیان شوي دي او ۲۵ نور وسله وال مخالفان وژل شوي دي.

 د نوموړي په وینا یو شمېر سیمې هم له وسله والو پاکې شوي دي او اته تنو امنیتي سرتیرو ته هم مرګ ژوبله اوښتې ده.

د دولت وسله والو مخالفانو تر اوسه په دې اړه رسنیو ته څه نه دي ویلي.

د تېرو کالونو په پرتله سږ کال د پسرلي په موسم کې د کاپیسا په نا امنو ولسوالیو کې ډیرې سیمې د امنیتي ځواکونو تر کنټرول  لاندې راغلي دي.

12 total views, 1 views today

Leave a Reply

Your email address will not be published. Required fields are marked *