Categories

په ترکیه کې مېشت افغان کډوال بیا وهل شوي او ښکنځل شوي دي

تاند – په ترکیه کې مېشت افغان کډوال وایي چې د ترکانو له خوا وهل کیږي، ښکنځلې ورته کیږي او په زور سره پرې کارونه کیږي.

د ترکیې په استانبول ښار کې د ننګرهار ولایت د خوګیاڼو ولسوالۍ یوه اوسېدونکي، عمران، چې له خواوشا ۱۰ میاشتو راهیسې هلته اوسېږي تاند ته وویل، چې ترکانو هغوی له کورونو نه اېستلي او زورولي دي.

عمران وایي چې له درې ورځو راهیسې په یوه پارک کې اوسېږي او د سختې وېرې وخت تېروي.

۲۴ کلن عمران چې پخوا یې د ډوډۍ پخولو په یوه فابریکه کې کار کاوه وایي، «له څو ورځو راهیسې چې د ترکانو، افغانانو او پاکستانیانو تر منځ شخړې رامنځته شوې مونږ یې له کورونو نه اېستلي یو» نوموړی وایي، «پرون یې زمونږ په مخکې افغانان په چړو ووهل او مونږ ترې په منډه وتښتېدو.»

عمران وایي چې د پاکستان د سفارت کارکوونکو له ترکي چارواکو سره خبرې کړي چې په پاکستانیانو باندې یو څه ارامي راغلې خو افغانان لا هم په سخت تکلیف کې شپې ورځې تېروي.

په بلجیم کې مېشت د ټولنیزو رسنیو کاروونکی، لیاقت باور چې په ترکيه کې د افغانانو په وړاندې د روان حالت په هکله سخت خوابدی دی، وایي، له کومې ورځې چې دا شخړې رامنځته شوي له ترکیې نه یې ګڼ ملګري هلته د روان تاوتریخوالي په هکله ورسره خبرې کوي، ژاړي او فریاد کوي.

ښاغلی باور وایي، چې افغانان د ترکانو له خوا وهل شوي، شکنجه شوي او بندي شوي دي او یو شمېر یې وژل شوي هم دي.

دا په داسې حال کې ده چې په ترکیه کې افغان سفیر امان الله جیحون تېره ورځ له مشال راډېو سره په خبرو کې ویلي وو چې په ترکیه کې د افغانانو په وړاندې څه خاصه مسئله نشته او د ترکیې حکومت هغه افغانان چې راجسټر شوي نه دي، راجسټر کوي.

1 comment

  1. احمد بریال Reply

    ښاغلی امان الله جبون چې خپله هم ازبک دی ، اولادونه او کورنۍ يې مصؤن دي ،
    که د ده له توانه د ترکیې له مقاماتو سره خبرې کول نه وي پوره ، کېدای شي د افغانستان پارلمان یو هییت ترکې ته واستوي چې د هغه هېواد له مسوولو کسانو سره وګوري او د قضيي د حل لپاره لاره ولټوي.

Leave a Reply to احمد بریال Cancel reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c