Categories

په لوګر کې د ماین چاودنې ۱۱ تنه ووژل

د لوګر ولایت په محمد اغه ولسوالي کې د ماین د چاودنې په نتیجه کې د ۵ ماشومانو په شمول ۱۱ ملکیان ووژل شول.

د محمد اغې ولسوال نصیر امین وویل، دا پېښه نن /جمعه/ غرمه هغه مهال وشوه چې د سپرلیو موټر د محمد اغې په زرغونښار کلي کې د دولت د وسله والو مخالفانو له لوري پر اېښودل شوي ماین وخوت.

ولسوال وايي په وژل شویو کسانو کې ۵ ماشومانو او ۵ ښځې دي.

زرغونښار د لوګر ولایت یوه ناامنه سیمه ده او د دولت وسله وال مخالفان پکې زیات فعال دي.

د روانې اوونۍ په بیا کې په لغمان کې د هاوان په یوې مرمۍ ۵ ماشومان ووژل شول.

د سړک د غاړې بمي چاوودنې او ماینونه د افغان ملکیانو د مرګ ژوبلو یو لوی عامل بلل کېږي.

Leave a Reply

Your email address will not be published. Required fields are marked *