Categories

اعلان

Loading…

سرتېری/ مجېد ژړاند

زموږ د ژوند قاتل بیا  د افغانانو وژنې ته ملا وتړله، پردۍ چړو ته يې خپل لاستي ورواچول، را روان شول، زما د کور رڼا وژني، زما د کاله ستر خلک په نښه کوي او په هر ګوزار سره د الله اکبر نارې وهي.

کلونه وشول، چې همدا کیسې روانې دي، زما بابا شهادت دې الله قبول کړي، د رڼا خپرولو په هڅه کې و، د ډېرو کور مغزه ککرۍ يې د پوهنې په نور سره روښانه کړې، خو د تيارو څکالو او هغه څوک چې رڼا ورځ په خپله جوسه شرمېده، زما پر بابا يې بريد وکړ او پر شهادت يې ورسول.

د هغه مهال خبرې چې اورم، هيچا هم  زما د بابا په مرګ ونه ژړل، بلکې هغه يې د مرګ وړ بلل، چې ولې په تياره ماحول کې رڼا خوروي، ولې تيارو ځپلو خلکو ته روښانه څراغونه ورکوي او د تيارو څادر يې له سترګو لرې کوي.

خبره مو زموږ تر وحشت او نه سړيتوبه کوله، کلونه تېر شول، د علم او پوهې انګازې خورې شوې، تکنالوجۍ پر مختګ وکړ، ځوانان پوهنتونونو ته لاړل، خو لا هم د ډېرو ذهنونه په چټلو اوبو پرېمينځل شوي دي، د پوهنتون له فراغت سره سم  وسله اوږو ته کوي، زه او ته وژل کېږو، زه کافر  او ته مسلمان دواړه تبا شو، د دواړو د کورونو د رڼا ډېوې مړې شوې، ژوند مرور شو، د حورو په څېر ښکلې مېرمنې مو د سوال په بلۍ کېنولې، نو لا ولې زه او ته وژل کېږو؟ ولې د وحشت او خشونت د کيسو کرکټران يوو، نړيوال جنګونه وشول، نيمايي نړۍ تبا شوه، خو په هغوی د رنسانس دوره راغله، د وخت د جبر کچکول يې له غاړې لرې کړ، خپل ځان يې وپېژندل او د خپلې مور(خاورې) قدمونه يې ښکل کړل،  له وحشت څخه يې د انسانيت او مينې کلي ته پنا يووړه، د ژوند هوسايۍ يې په برخه  او د ژوند له لذتونو خوند اخلي.

ولې مې وژنې؟ ولې دې وژنم؟

د يوه کاله او کلي وګړي يوو، د يوه مسجد په ملا امام پسې مو اقتدا کوله، د کلي ابادۍ په حشرونو کې مو برخه اخيسته، د کلي مېندو راته دعاوې کولې، چې خدای مو ښه سړي کړه، د ژوند پرمختګونه مو  په برخه شه.

موږ د کوم چا په  تور جادو کې ګير شو، چې زه ستا او ته زما په مرګ وياړې، موږ ولې دومره سره لرې شو؟ ولې د ورېندارو له اوښکو خوند اخلو؟

لويه ربه! نور له خپلو وحشتونو ستړی یم، نور د خپلو وروڼو په مرګ ژړلی نه شم، د خپلې ګنا په اړه فکر کولی نه شم، ما خو د بې شمېره خلکو زړونه مات کړي دي.

باداره! نه غواړم، چې څوک ووژنم او يا د خپل ورور په وينو خپل لاسونه سره کړم، خو لویه ربه! ستا هغه یاغي بنده ته چې ستا په نوم قتلونه کوي او ټول وروڼه ورته کافران ښکاري، هغوی ته د هدايت لار ورښايه، زه سرتېری يم، د خپل دښمن په مرګ هم خپه کېږم، خو څوک چې زما مېندې ژړوي، زما ورېندارې کونډوي، زما خوېندې بې وروره کوي، زه له هغوی سره جنګېږم، هغوی وژنم، په مرګ يې خپه کېږم، نو هيله کوم، لویه ربه! زما لپه کړو لاسونو کې همدا دعا قبوله کړه، زما وروڼو ته د هدايت لار وښايه، هغوی د ښه ژوند حق لري او هغوی سره مېنه مې فطري ده، خو ته مو تر منځ د بېګانه دښمن شومې دسيسې شنډې کړه، زما ياغي ورور ته د مستقيمې لار هدایت وکړه، تر څو يې د وژلو پر ځای د را پورته کولو هڅه وکړم.

لويه خدایه! لويه خدایه! لویه خدایه! نور زموږ ازلي دښمنان چې زموږ د وروڼو تر منځ تفرقې او نفرتونه رامنځ ته کوي، هغوی تبا کړه، تر څو له خپل ورور سره د خپلې خاورې رښتينی عسکر و اوسم او د دواړو  د وسلو خولې د دښمن په لوري اوښتي وي او په ګډه سره له خپلې خاورې دفاع وکړو.  

225 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2