Categories

د هډوکو او د اشتها تړاو

تاند- د کولمبیا پوهنتون د طبي مرکز څېړونکي وايي، په هډوکو کې یې هغه حجرې پېژندلي چې د اشتها یو ډول میکانیزم لري.

څېړونکو له ډېرو کلونو راهیسي د هډوکو د کار د څرنګوالي په اړه څېړنې کولې او په ۲۰۰۷ م کال پوی شول چې د انسان په سکلېټ یا هډوکو کې بدن ته داسي هورمونونه ورکوي چې د انرژۍ د جوړولو او ترتیبولو لپاره حیاتي دي.

د ساینس ډیلي ورځپاڼې د راپور له مخې، د لومړنیو څېړنو پر اساس هډوکي د ستیوکلسین په نوم هورمون ترشح کوي چې د وینې قند تنظیموي.

څېړونکو ته د یوه موږک د هډوکي په جوړوونکو حجرو کې د یوه ځانګړي جین له غیرفعالولو وروسته څرګنده شوه چې د موږک اشتها خورا کمه شوې ده.

خو د دې لپاره چې ستیوکلسین هورمون پر اشتها اغېز نه لري، څېړونکي دې نتیجې ته ورسېدل چې یوه ناپېژندل شوی هورمون د موږک د اشتها په کمېدو کې رول درلود.

دوی ته څرګنده شوه چې دا هورمون، چې (lipocalin 2) نومېږي، یو ډول پروتین دي چې له چاغښت سره ارتباط لري.

د کولمبیا پوهنتون د طبي مرکز څېړونکي وايي د هډوکو په جوړوونکو حجرو کې د دغه هورمون اندازه د غوړو حجرو ۱۰ برابره ده.

Leave a Reply

Your email address will not be published. Required fields are marked *