Categories

اعلان

Loading…

طالبانو او داعشیانو په غور کې د یو بل په لسګونو کسان ووژل

تاند- د غور ولایتي اداره وايي چې په دغه ولایت کې د طالبانو او داعشیانوترمنځ په روانه جګړه کې د دواړو خواوو په لسګونو جګړه مار وژل شوي یا ټپیان شوي دي.

د غور امنیه قوماندان غلام مصطفي محسني نن /دوشنبه/ رسنیو ته وویل، د طالبانو او د داعش یا اسلامي دولت د وسله والې سختدریځې ډلې ترمنځ د غور ولایت د مرکز فیروز کوه په شمال کې له څو ورځو راهیسي جګړه روانه ده.

د غور ځینې اوسېدونکي او د ولایتي شورا غړي وايي چې د طالبانو او داعشیانو ترمنځ جګړه له یوې اوونۍ راهیسي دوام لري.

د ولایتي شورا غړي او امنیه قوماندان وايي چې جګړه وروسته له دې ونښته چې د داعش غړیو د مرغاب په سیمه کې د اډې د جوړولو ترڅنګ د جګړه مارو د جلب و جذب هلې ځلې پیل کړې.

د دوی په وینا د داعش دا هلې ځلې سبب شوې چې طالبان پرې برید وکړي.

ددوی دغه راز وايي، تراوسه پورې په دې جګړه کې د دواړو خواوو په لسګونو کسان وژل شوي یا ټپیان شوي دي.

د غور چارواکي وايي چې د داعش غړي وروسته له دې غور ته ورغلي چې په ننګرهار کې وځپل شول.

د طالبانو او داعشیانو ترمنځ دا جګړه په داسي حال کې روانه ده چې تېره شپه د طالبانو د دوو ډلو ترمنځ د پکتیا ولایت مرکز ګردېز ته نژدې د رباط په سیمه کې سخته نښته وشوه او د دواړو خواوو لږترلږه ۱۰ تنه ووژل شول.

د طالبانو د ملا رسول او ملا هیبة الله د ډلو ترمنځ د افغانستان په لوېدیځ کې هم په ځلونو خونړۍ نښتې شوي دي.

په غور کې پر داعشیانو بمباري شوې

له بلې خوا د غور د والي ویندوی وايي چې پرون مازدیګر په افغانستان کې مېشتو نړیوالو ځواکونو په غور کې د داعش پر یوه مرکز په هوايي برید کې لږترلږه ۱۵ داعشیان ووژل.

عبدالحی خطیبي وايي، د ناټو الوتکو له فیروز کوه ۱۲۰ یا ۱۳۰ کیلومتره لېرې پر رغسکن کلي بمباري وکړه. د خطیبي په وینا د دغه کلي اوسېدونکو تېر کال له داعش سره بیعت کړی وو.

93 total views, 1 views today

6 comments

  1. dawud Reply

    جګړه ماران په خپله سرتمبه ګۍ، غفلت او جهالت کې ډېر وړاندې تللي دي

  2. سلیم Reply

    د لوط پیروانوته اعلان: حوری خلاصی شوی دی خو ډیپو کی یوڅه غلمان شته، تشویش مه کوی، عجله وکړی او ورودانګی چی سبابه دا هم خلاص وی ههههه

  3. باچا Reply

    امریکایان د داعش په پلوۍ او روسان د طالبانو په پلوۍ ، د افغانستان په میدان سره ښکر په ښکر دي

  4. سلیمان Reply

    مونږ پورې نړیوال خاندي او وایي چې د افغان په ځمکه مرغان مرغان وژني، سپي سپي وژني آو انسانان انسانان وژني.

  5. حق پرست Reply

    انشآالله اخر به هم د حق او باطل جلا کوونکی ډله ظهور کوی دهغه وخت 950 غلامان او درباری ملایانو نه به سره په توره وهی اللهم انصرلاسلام ولمسلمین

  6. مریم الخراسانی Reply

    خدای نور هم برکت درکری

Leave a Reply

Your email address will not be published. Required fields are marked *