Categories

اعلان

Loading…

د کندهار امنیه قوماندان د بشري حقونو د شکنجې ضد ادارې راپور رد کړ

تاند- د کندهار امنیه قوماندان جنرال عبدالرازق د بندیانو د شکنجه کولو په اړه د ملګروملتو د شکنجې ضد کمېټې ادعاوې رد کړې.

جنرال عبدالرازق وايي، اسناد لري چې د ملګروملتو دې ادارې په ده باندې د شکنجې او د زندانونو د لرلو تورونه د پاکستاني عناصرو په اشاره لګولي دي.

د ملګروملتو د شکنجې ضد کمېټې په کندهار کې د بشري حقونو پر ناوړه وضعیت اندېښنه وښوده، ویې ویل چې په دغه ولایت کې بندیان په بې رحمانه ډول شکنجه شوي او په دې خاطر باید د کندهار امنیه قوماندان جنرال رازق محاکمه شي.

خو جنرال رازق د ملګروملتو د شکنجې ضد ادارې تورونه بې اساسه وبلل، ویې ویل چې نه شخصي محبس لري او نه یې بندیان ربړولي دي.

د کندهار ځینې اوسېدونکي د پولیسو له لوري له بندیانو او تورنو کسانو سره سخت او ځپونکی چلند نه ردوي خو وايي چې همدې ډول چلند د کندهار د امنیتي وضعیت له ښه کېدو سره مرسته کړې ده.

178 total views, 2 views today

2 comments

  1. عبدالرووف لیوال Reply

    دملی اتل تخریب دپاکستان اودهغه قسم خوړلو تالی څتوله خوا سرته رسی – که چیرې یې باکستانی جواسیسو ته دارنګه سزا ورکړی وی ولی دالاس پوڅې ادارې په پاکستانی جیلونوکې چې افغانان ډول – ډول ربړوی آن وژنی يې لکه ملا داد اله – څه هغه انشان نه وه چې دوی پټه خوله دي – دااتل رښتیا وايي چې داد پاکستانی کړیو کار دی ولی پخوا له سرحدی لانجې داتور نه څیړل کیده چې اوس ورپه یاد شو – مړه دوي دبشر دحقوقو په نوم جواسیس اوتالی څټی

  2. سلیم Reply

    تاسو کله کوم کس لیدلی چی خپل ځان پرضد راپور او تور تایید کړی وی او وییلی وی چی هو بالکل داکارونه ما کړی او تاسو ریشتیا وایاست

Leave a Reply

Your email address will not be published. Required fields are marked *