Categories

اعلان

Loading…

پاکستان د ایران سفیر د احتجاج لپاره احضار کړ

تاند- د ایران د لوی درستیز له څرګندونو وروسته پاکستان په اسلام اباد کې د ایران سفیر د احتجاج په دود احضار کړ.

د ایران لوی درستیز جنرال باقري ویلي و چې که پاکستان د ترهګرو روزنه او ایران ته د ورانکارۍ لپاره د هغوی لېږنه ونه دروي، په دغه هېواد کې به د ترهګرو په پټنځایونو حملې وکړي.

د ایران د وسله والو ځواکونو لوی درستېز تورنجنرال محمد باقري له پاکستانه وغوښتل چې د هغو ترهګرو پر ضد اقدامات وکړي چې د دغه هېواد له خاورې وراوړي او په ایران کې تروریستي فعالیتونه کوي.

ایران وایي چې د جیش العدل په نامه ترهګره ډله، چې په پاکستان کې اډې لري، په ایران کې عملیات کوي.

د باقري له څرګندونو وروسته پاکستان نن په اسلام اباد کې د ایران سفیر مهدي هنردوست د بهرنیو چارو وزارت ته وروباله او د باقري د څرګندونو په وړاندې یې خپله اندېښنه ورسره شریکه کړه.

باقري دا هم ویلي چې پاکستان په خپله خاوره کې د هغو تروریستانو د مخنیوي او کنټرول توان نه لري چې ایران ته اوړي.

ده دا څرګندونې وروسته له دې وکړې چې د پاکستان له خاورې د دوو هیوادونو په پوله کې پر ایراني پوله ساتو برید وشو او تر ۱۰ زیات ایراني پوله ساتي ووژل شول.

د ایران حکومت په اسلام اباد کې د خپل سفیر له احضارېدو وروسته ویلي، په خپله پوله کې د امنیت په ټینګولو کې د پاکستان د بې وسۍ او ناتوانۍ په صورت کې دا د ایران حق دی چې د خپلو پولو د امنیت لپاره اقدام وکړي.

296 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2