Categories

اعلان

Loading…

په افغانستان کې د داعش مشر ووژل شو

تاند- په افغانستان کې د داعش یا اسلامي دولت د وسله والې سختدریځې ډلې مشر د افغان او امریکايي ځواکونو په ګډو عملیاتو کې ووژل شو.

ارګ نن /یکشنبه/ اعلان وکړ چې د داعش مشر عبدالحسیب په ننګرهار ولایت کې وژل شوی دی.

د ارګ په خبرپاڼه کې ویل شوي چې حسیب د داعش له څو نورو مهمو قوماندانانو سره یوه اوونۍ وړاندې (د ثوراوومه) په ننګرهار کې پر یوې کلا د امریکا د ۵۰ ځانګړو ځواکونو (سپېشل فورس) او ۴۰ افغان ځانګړو ځواکونو په ګډو عملیاتو کې ووژل شو.

د ارګ په خبرپاڼه کې ویل شوي چې د داعش د مشر د وژل کېدو خبر یې د معلوماتو د کره کولو په خاطر په ځنډ خپور کړ.

ارګ وايي، د داعش دغه مشر پر سردار داوود خان روغتون د حملې امر کړی و چې په نتیجه کې یې تر ۵۰ زیات ډاکتران، ناروغان، نرسان او د ناروغانو عیادت کوونکي شهیدان شول.

د افغان او امریکايي ځواکونو له لوري د داعش د دغه مشر د وژل کېدو خبر په نړیوالو رسنیو کې په پراخه پیمانه منعکس شوی دی.

د امریکا د پوځ یوه ویندوی جیف ډافیس د حملې په مهال لوېدیځو رسنیو ته ویلي و چې په ننګرهار کې یې له افغان ځواکونو سره یوځای پر یوې کلا د حسیب د وژلو په هدف برید کړی دی، خو دا یې تایید نه کړای شوه چې نوموړی وژل شوی او که نه دی.

خو د ولسمشر غني له قوله لوېدیځو رسنیو ویلي چې حسیب په لومړي برید کې ونه وژل شو، مګر په دوهمه حمله کې، چې یوه اوونۍ وروسته وشوه، له منخه یووړل شو.

هغه کلا، چې حسیب او ملګري یې پکې هستوګن ول، هغو سمڅو ته نسبتاً نژدې ده چې د اپریل په دېرشمه د بمونو مور پرې استعمال شوه.

387 total views, 2 views today

1 comment

  1. سلیم Reply

    د دغه وحشی ځناور عکس و د مرګ خبر خو هره میاشت دری ځلی وینم، پوه نه شوم چی دغه حیوان لکه د پشوګانو اوه ساه ګانی لری؟ که مرګ یی فلمی هم وی نو په فلم کی خوهم سړی یوځلی مری. البته د داعش په سریال سناریو کی سړی په وار وار وژل و بیرته را ژوند کیدای شی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2