Categories

اعلان

Loading…

د ښوونځي زنګ/ زلفانه

له څه مودې وروسته د سهار لس بجې وې، چې ميوند بچی مې له ښوونځي راغی، وارخطايي واخيستم، فکر مې وکړ، چې ميوند ته کومه روغتيايي ستونزه پيدا شوې ده، بکسه مې ترې واخيسته، په مخ مې ښکل کړ او بیا مې بې وخته د راتلو پوښتنه ترې وکړه.

ميوند: افانې! نن زموږ ښوونځي ته طالبان راغلي و، ټول ښوونکي يې ادارې ته وغوښتل او له ښه ځنډ وروسته ښوونکي راووتل او موږ د ښوونځي مخ کې کتار ودرولو، موږ ته يې وويل چې سر له نن څخه نور ښوونځي ته مه راځئ، تر يوه وخته به ستاسو ښوونځي دروازه تړلې وي.

پړک واخيستم، زموږ په کلي کې هسې هم د نجونو ښوونځی شتون نه لري، د هلکانو همدا ښوونځي ستره لاسته راوړنه وه، طالب د همدې ښوونځي دروازې ته هم قلفونه واچول، ميوند ته مې ډوډۍ کېښوده او زه خپله د خپل بچي د زدکړې وير واخيستم، په دې پيکه محيط کې چې ښوونځي هم وتړل شي، نو بیا به واړه ماشومان څه کوي، خدایه زموږ راتلونکی وژغوره، په همدې خبره مې فکر کاوه، چې ناڅاپه د خونې دروازه خلاصه شوه، ميوند راننووت په نيمکۍ ژبه يې د زړه خبره وکړه
افانې! تا ويل چې ښوونځي ته لاړ شه! يو څه زده کړه، کمپيوټر هم په ښوونځي کې زده کېږي، اخلاق هم د ښوونځي ځانګړنه ده، افانې تا به ويل چې غيرحاضري مه کوه، بیا دې څه نه زده کېږي، خو اوس زموږ مالم صاحب ښوونځي ته نه راځي.

د ميوند خام عمر او پخو خبرو ته فکر يووړم او دا مې وانګېرله، چې واړه ماشومان هم د زدکړې په ازرښت خبر دي، خو طالبان ولې په لوی لاس زموږ د خلکو په وړاندې دا ستر جنایت تر سره کوي؟

خدایه! د ماښامونو شوپرک په خپل قدرت سره زموږ له کلو او بانډو لرې کړه، څوک چې رڼا نه خوښوي، هغه دې الله په تيارو کې غرق کړي، زموږ پر خپلو بچو رڼا پېرزو ده، په هر قېمت به د خپل ماشوم زوی د زدکړې هيله پوره کوم، خو اندېښنه مې داده، چې دلته به نور ډېر  د ميوند همزولي له زدکړو لرې او محروم پاتې کېږي، هغوی نه بل ځای د زدکړو شيمه لري او نه يې هم کورنۍ دومره سر پرې ګرځوي، چې د خپلو بچو راتلونکی روښانه کړي.

د خدای په خاطر د ښوونځيو دروازې د خدای پېژندنې او قران زدکړې مراکز دي، نو لطفا دغه مراکزو ته زيان مه اړوئ او د ماشومانو ماشومې هيلې مه خزانې کوئ.

328 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2