Categories

اعلان

Loading…

حکمتیار یو وار بیا له طالبانو وغوښتل چې جنګ او د بهرنیو پوځیانو د حضور پلمه پای ته ورسوي

تاند- د اسلامي حزب مشر ګلبدین حکمتیار نن /جمعه/ په کابل کې خپلو لسګونو زرو پلویانو ته په وینا کې وویل، که له کابله څوک طالبانو ته دا پیغام استوي چې په دې نظام کې نورو ته ځای نشته او په دې ټینګار کوي چې په حکومت او نظام کې د تغییر امکان نشته، دا په حقیقت کې د جنګ پیغام دی.

حکمتیار، چې په غازي لوبغالي کې وینا کوله، وویل، هیواد تر پرونه جګړې ته اړتیا لرله خو نن سولې ته اړتیا لري.

حکمتیار وویل«هغو ټولو کسانو ته، چې د سولې په لټه کې دي، د ورورۍ لاس اوږدوم که څه هم پخوا له موږ سره جنګېدلي وي.»

ده وویل، څوک چې پر جګړې تاکید کوي، ورڅخه کرکه لرو.

د اسلامي حزب مشر طالبانو ته په خطاب کې وویل، «راشئ له ټولو ډلو سره یوځای اسلامي حکومت جوړ کړو چې په افغانستان کې د بهرنیو پوځیانو د حضور لپاره پلمه نه وي.»

حکمتیار دا هم وویل«که هرڅوک په افغانستان کې د جګړې د پای ته رسېدو او د ټینګې سولې غوښتونکی وي، زموږ ورور او ملګری دی.»

ده طالبانو ته وویل، لومړی جګړه ودروئ او بیا بهرنیو پوځیانو ته ووایاست چې ستاسو حضور ته اړتیا نشته، باید لومړی ټولې پلمې او عوامل ختم شي چې په افغانستان کې د بهرنیو پوځیانو د پاتې کېدو لپاره دلیل پاتې نه وي.

حکمتیار د ښځو د کار او زده کړو مخالفان تېروتلي وبلل.

121 total views, 2 views today

Leave a Reply

Your email address will not be published. Required fields are marked *